DANIEL 3:20 - Alkitab Singog In Mongondow Masa In Tanaa

²⁰ Bo pinotabánea in tongonumai in intau inta totok in moropot nongkon tontaranea sin motokig kon i Sadrakh, kon i Mesakh bo kon i Abednego, bo poḷat nopogambat kon i monia kon tuḷú inta kodoko-dokot tatua.

DANIEL 3:20 Iomraidhean Croise

DANIEL 1:7

Tongguḷu in motoḷuadí in komaḻig nomaḷui kon tangoi mita monia nobaḻí: ki Beltsazar, ki Sadrakh, ki Mesakh bo ki Abednego.

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

DANIEL 3:19

Dá sinumagabdon in torú i Datu Nebukadnezar kon i Sadrakh, Mesakh bo kon i Abednego, dá inumuradon totok in pogotnea. Sia in nomarenta sinbá tuḷú dugangan kopitu in kopatúnea nongkon inta biasamai.

DANIEL 3:21

Dá ḷagidon sinokig in taya toḷu tatua sinokig kinorigon koḷambu-ḷambung nolongkap, nogiḷambung, jubah, nogisapoyo bo pakeang ibanea, bodongka pinogambat kon bonu in tuḷú inta kodoko-dokot tatua.

OUMAN IN RASUL MITA 16:23

Naonda in mosia sinambok totok, pinotuotdon monia kon ponjara in taya dua tatua. Itoi in ponjara totok in dinandi kon bá kopiraan totok in moḷukad kon rasul doyowa tatua sinbá diá mokoḷuai.

OUMAN IN RASUL MITA 16:25

Táe naonda in noonggotdon kon doḷom ki Paulus bo ki Silas nosambayang bo nodondong nodayow kon i Allah. Dá bayongan intau kon ponjara tua nodait nokodongog.