DANIEL 3:1 - Alkitab Singog In Mongondow Masa In Tanaa

¹ Kon singgai tobatú ki Datu Nebukadnezar nomia kon patong buḷawan tobatú inta koḷantudnea in doyowa nopuḷú bo pitu nometer bo kooḷadnea in gogió bo toḷu nometer, Pinosindognea intua kon ḷopá in Dura kon Propinsi Babel.

DANIEL 3:1 Iomraidhean Croise

DATU MITA IMITÁNEA 12:28

Naonda in noporai-raimai kon tua, nomia in sia kon patong sapi buḷawan bo noguman kon rayat, “Bangusa in Israel! Noonggotdon in moiko in minayá in Yerusalem sin moibada. Tanaa in naadon in ilahmu mita inta ain nodia kon i monimu iḻumuai nongkon Mesir!”

ESTER 1:1

Kon Susan, ibukotá in Persia, ki Ahasyweros in nomarenta saḷaku datu. Dodatuan nea in 127 nopropinsi, pinangkoi kon India nodapot kon Sudan.

MAZMUR 135:15

Berhala monia in nongkon buḷawan bo saḷaka, mia in intau.

IḶUAIAN 20:23

Dika mogaid kon i monimu in patong mita saḷaka ande buḷawan sin sumbáan monimu ponoḻindua kon i-Nakó.

IḶUAIAN 32:31

Bo ki Musa in bui minayá kon tayowon i Tuhan bo noguman, “Bangusa tatua ain nogaid kon dosa moḷoben. Mosia ain nomia kon ilah ibanea nongkon buḷawan.

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

YESAYA 46:6

Intau mobuká kon dompet bo mogundak kon buḷawannea bo monimbang kon saḷakanea momaké in simbangan. Monondan in sia kon mononontaḷ kon buḷawan sin momia kon patong berhala, bo mosumba in sia kon patong inta pinomianea tontaní.

YEREMIA 10:9

Sia in inaipan in saḷaka bo buḷawan inta dinia nongkon Spanyol bo kotá in Upas, tua komintan aidbí in ḻima in mongongurig bo mononontaḷ kon buḷawan. Pakeangnea in nongkon kaeng nokamumu nogurang bo kaeng nokamumu noguod, pinomia in mogogaboḷ mita kinopia totok.

YEREMIA 16:20

Mokoaid degá in intau kon ilahnea tontaní? Notantúbí kon diá! Inta pinomianea tua in notantúbí kon deeman Allah.”

DANIEL 2:48

Onda intua ki Daniel inogoiannea in ḷoḻitúan inta moḷantud, sinotabiannea in tombuinag mobayong inta mongogaga, bo dinuínea nobaḻí gubernur in Babel, bo binaḻínea itoi inta totok in moḷantud kon bayongan in monononggina in komaḻig.

DANIEL 2:49

Táe pinodoyon kon oigum i Daniel, ki datu in nobogoi in pomarentaan propinsi kon i Sadrakh, Mesakh bo ki Abednego, bo ki Daniel tontaní in nogutundon kon komaḻig i datu.

DANIEL 3:14

Ki Datu in noḻibó kon i monia, “Sadrakh, Mesakh bo Abednego! Totuu degá kon moiko in doí mosumba kon ilahku mita bo doí doman dumokó mosumba kon patong buḷawan inta ain pinosindogku tatua?

DANIEL 3:30

Naonda intua ki datu nopoponikdon in pangkat i Sadrakh, i Mesakh bo i Abednego, dá nobaḻídon in mosia intau mita moḷoben kon propinsi Babel.

DANIEL 5:23

Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.

DANIEL 5:4

Koyogot in monginum mosia in sindaḷan doman modayow kon dewa mita inta pinomia nongkon buḷawan, saḷaka, bitú, kayu bo batu.

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.

HOSEA 8:4

Umat-Ku in nomiḻí kon datu táe diá muna noḻibó kon i-Nakó. Mosia in noduí kon itoi táe diá noguman kon i-Nakó. Mosia in nogamá kon buḷawan bo saḷaka monia bo nomia kon patong berhala inta nokopopisí kon kinorimumudan monia tontaní.

OUMAN IN RASUL MITA 17:29

Dá lantaran kita bo ki adíbí mita i Allah, dá diábí motaau anggapon naton kon ki Allah tua in ná bí onda bo patong inta inaidan nongkon buḷawan andeka inaidan nongkon saḷaka andeka ná batu inta inaidan pinodudui in kopopandoi intau.

OUMAN IN RASUL MITA 19:26

Bo tanaa aindon inontong bo dinongog monimu tontaní onu in inaidan i Paulus. Sia in noguman kon dewa mita inta pinomia intau in deemanbí totu-totuu dewa. Bo nobayongdon totok intau in nopirisaya kon onu in pinogumannea tatua, deeman tongá kon Epesus naa, táe gogiódon bo komintan in Asia naa.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

WAHYU 9:20

Táe intau mita ki agatnea inta diá minatoi in roriga tatua in doípabí doman in mogogai mogaid kon inta diá nopia inta biasamai aidan monia. Mosia in umuran mosumba kon dimukud mita moraat bo berhala mita inta pinomia nongkon buḷawan, saḷaka, tambaga, batu bo kayu inta diá mokoontong, diá mokodongog bo diá doman mokobayá.