DANIEL 2:5 - Alkitab Singog In Mongondow Masa In Tanaa

⁵ Ki Datu in notubag, “Sinantúkudon in naa: Moiko in mustibí mopotaau in togoindop tatua kon inakó, takin doman mangaḻenea. Aka diá in moiko mokopotaau, yo pongko-pongkóon in moiko bo baḷoi monimu in umpagon.

DANIEL 2:5 Iomraidhean Croise

DATU MITA 2 10:27

Patong tatua in irimumud takin baḷoinea bo tampat tatua in binaḻídon poḷoḷumbúan kon tubig dapot in singgai naa.

EZRA 6:11

Akuoi in momarenta sinbá intau inta ḻimimpat kon parenta tanaa yo nongkon baḷoinea in rabuton in oigi tobatú, tonggoruitan in popodnea, bo popoturak kon awak in intau tatua modapot in moiḷambai. Baḷoinea in musti kokaion bo baḻíon yoyatan.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

MAZMUR 58:7

O Allah, putoḷdon in ingipon mita monia, rabutdon in uwaḷa in singa mita batánea tatua, Tuhan.

DANIEL 2:12

Nokodongogmai kon tua ki datu in sinumorúdon totok bo nomarenta kon moḻimod kon bayongan in intau mongopandoi inta kon Babel.

DANIEL 3:29

Tuamai in akuoi in momarenta kon bayongan in intau nongkon bangusa, inanakan andeka bahasa onuka, inta moningkuḻe kon i Allah inta sinumba i Sadrakh, i Mesakh bo i Abednego, yo pongko-pongkóonbí bo baḷoinea in umpagon bo baḻíon bonturungan in apug. Sin diábí in dewa in mokoaid kon onu inta inaidan i Allah tatua.”

DANIEL 4:9

“Ei, Beltsazar, itoi in intau mita inta kototaau, kinotaauanku kon iko in kinawasa in dimukud in dewa mita inta motusi, dá diábí in noibuni kon inimu. Indongogaidon in togoindopku tanaa, bo ininsilangandon in mangaḻenea.

ULANGAN 13:16

Bayongan kapunyaan in intau mita inta nogutun kon tua musti sipunon bonturungon kon lapangan, bo kotá takin bayongan kapunyaannea in pokakon mobaḻí kuruban kon i Tuhan Allahmu. Mopaḷut mako kon tua pomayádon mako intua mobaḻí utag in pinomokakan bo diádon motaau posindogon bui.

YOSUA 6:26

Kon dodai intua ki Yosua nopoḷuai in parenta nanaa, “Ki inekabí in moḷongasi moposindog bui in kotá in Yerikho tanaa, yo kotugatan in kutuk i Tuhan. Ki ine in momia kon datoḷannea yo kopatoianbí in adínea guya-guyang; bo ki ine in mopoguḻit in ḷoḻingkopnea mita yo kopatoianbí in adínea muit.”

SAMUEL 1 15:33

Táe ki Samuel noguman, “Ná doman onda bo pitowmu inta nokopopisí kon nobayong in guyanga bobay kinobuḻian in adí monia, yo natua doman in ki inámu kobuḻian i adínea.” Bo ki Samuel nonibat kon i Agag nodapot in minatoi kon tayowon in mezbah kon Gilgal.