DANIEL 2:45 - Alkitab Singog In Mongondow Masa In Tanaa

⁴⁵ Ki Tuangku in nokoontongdon tontaní kon diábí iḻiai in intau in batu tobatú bo noḷabú nongkon irib bo noigonag bo nomutuk kon patong nongkon uatoi, bitú, butá ḷamentong, saḷaka bo buḷawan tatua? Ki Allah inta moḷoben in noponiata kon i Tuangku onu inta mobaḻí kon singgai moiduduimai. Togoindop tatua in motaaubí pirisayaan bo onu in ininsilangan in bobantung naa in totuubí.”

DANIEL 2:45 Iomraidhean Croise

KINOBAḺIAN 41:26

Sapi pitu inta noḷongó tatua in pitu notaong, bo batoḷ in gandum pitu inta kobonu tatua mangaḻenea in pitu doman notaong; notongkai in mangaḻe doyowa tatua.

KINOBAḺIAN 41:28

Ná inta ain pinogumanku kon i Tuangku, kon ki Allah ain nopoontong kon i Tuangku onu in pomiaan-Nea.

KINOBAḺIAN 41:32

Togoindop i Tuang tua kodua nobaḻí, tua in mangaḻenea kon soaḷ tatua aindon sinantú i Allah bo ḷagidon aidan i Allah intua.

SAMUEL 2 7:22

Iko in totu-totuubí kon mokawasa, o Tuhan Allah! Tongábí Iko in Allah, diábí in notongkai-Mu. Kinotaauanbí nami intua sin ain pinotaau nongkon tungkuḷpabí intua.

TAWARIKH 1 16:25

Sin moḷobenbí in ki Tuhan bo dinayow totok; Sia in mustibí koondok moiḻiu kon bayongan in dewa.

NEHEMIA 4:14

Naonda in inontongku kon rayat in moondok, noguman in akuoi kon i monia, bo kon mototundú mita bo itoi mita, “Dika moondok kon musung! Toropdon in ki Tuhan inta moropot bo inta motoyang, bo poḷongasidon moyotakin sin kopontingan i utatmu mita, bo kon adí mita bo kon i buḷoi bo baḷoimu!”

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

AYUB 36:26

Ki Allah in totuu moḷantud, diábí kotaauan in raian-Nea andeka mogiap kon kobayong in taong-Nea.

MAZMUR 135:5

Sin kinotaauanku kon ki Tuhan in totuubí kon moḷoben, Sia in moḷantud noiḻiu kon bayongan in dewa.

MAZMUR 145:3

Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

MAZMUR 2:9

Mosia in putoḷonmubí in tungkud uatoi bo ḷosionmu naonda bo kuyon butá.’ ”

MAZMUR 48:1

Mazmur in inanakan i Korah.

MAZMUR 96:4

Sin Moḷobenbí in ki Tuhan, bo totokbí in dinayow, mustibí koondok moiḻiu kon bayongan in dewa.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

DANIEL 2:24

Onda intua ki Daniel minayá kon i Ariokh inta ain pinotabá moḻimod kon intau mita mongopandoi kon Babel. Guman i Daniel kon inia, “Dika ḻimodon in intau mongopandoi tatua. Diadon in akuoi mayá kon tayowon i datu, sin moibog in akuoi mopotaau kon i datu in mangaḻe in togoindopnea tatua.”

DANIEL 2:28

Táe kon soroga oyúon in ki Allah inta nomukat kon bayongan inta noibuni, bo sia in nopotaaudon kon i Tuangku onu inta mobaḻí kon singgai moiduduimai. Tanaa, ogoipa kaasí in bobantung tanaa in moginsilang kon togoindop bo oontongon inta sinarima kon tungkuḷ nosiug tua.

DANIEL 2:29

Kon dodai in ki Tuangku nosiugpa, ki Tuangku in sinumogoindop soaḷ singgai moiduduimai. Ki Allah inta nomukat kon bayongan inta noibuni nopoontongdon kon i Tuangku onu inta bain mobaḻí.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

DANIEL 8:25

Popisí in sia moakaḷ, uboḷnea mita in mobaḻíbí. Sia in ḷumoḷatúbí, bo diábí in sia muna mobogoi in tompoingat momutú in sia kon mobayong in intau. Nodapotbí in sia mokobaḻí in monayow kon i Datu Inta Totok in moḷoben. Táe sia in rimumudonbí deemanbí mopomaké in ropot in intau.

HAGAI 2:22

dodatuan mita in umpagon-Ku bo kawasa monia in rimumudon-Ku. Kereta mita in parang takin mododianea in tokokaḻintuangon-Ku; bayongan in kabaḷo in matoi bo tumotakoinea in mosiḻimodandon.

ZAKHARIA 12:3

Táe aka singgai tatua moiangoi, baḻíon-Ku in Yerusalem naonda bo batu inta mobogat; bangusa taondaka in moḷongasi mobuat kon tua yo moboditobí. Bayongan in bangusa kon dunia in dumugangbí sin monubu kon Yerusalem.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MATIUS 21:24

Ki Yesus noguman kon i monia nanaa, “Akuoi in moḻibó doman kon i monimu bo aka kotubagan monimu onu in ḻibóon-Ku, yo poguman-Ku doman kon i monimu mongo kawasa i ine in pinogaid-Ku kon tua komintan.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

LUKAS 17:20

Tongonumai intau in Parisi in namangoi bo noḻibó kon i Yesus mongo toonu in ki Allah in mamangoi momarenta. Dá ki Yesus in notubag, “Aka ki Allah momarenta yo diábí pinangkoi kon tanda mita inta koontongan in intau,

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

WAHYU 1:19

Sin tuamai, paisdon in soaḷ mita inta inontongmu, tuata in soaḷ mita inta oyúon tanaa mako, bo soaḷ mita inta mobaḻí kon singgai moiduduimai.

WAHYU 19:17

Bo akuoi in nokoontong kon tobatú malaekat sinimindog kon mata in singgai bo nomaḷú noropot kon bayongan ḷagapan inta iḷumayug kon baḷangon, kai-Nia: “Koḻigai moyosipun kon naa sin tumuot kon rame moḷoben inta inaidan i Allah!

WAHYU 4:1

Nopaḷut mako intua nanaa in bui inontongku. Inontongku in tobatú ḷoḻingkop nobukat kon soroga. Bo dinongogkudon bui in singog inta noguman kon inakó koina inta naonda bo singog in torompet. Singog tatua in noguman, “Poponikdon mangoi kon naa, bá popoontong-Kudon kon inimu onu in mobaḻí kon singgai moiduduimai.”