DANIEL 2:4 - Alkitab Singog In Mongondow Masa In Tanaa

⁴ Mosia in notubag kon bonu in singog in Aram, “Kobiagdon Tuangku modapot in mononoi! Oumandon in togoindop tatua kon inami, dá insilangandon nami in mangaḻenea.”

DANIEL 2:4 Iomraidhean Croise

KINOBAḺIAN 31:47

Ki Laban nonangoi kon guntuḷan batu tatua Yegar-Sahaduta, yo ki Yakub nonangoi kon tua Galed.

KINOBAḺIAN 41:8

Nobangon monik doḷo-doḷom moajardon totok in ginanea, tuamai sia nomarentadon nokioiní in bayongan mososihir bo intau mita inta mopandoi kon Mesir. Bodongka inoumannea in togoindopnea tatua kon i monia, táe diá tobatúmai in kon sigad monia tua motaau moginsilang kon mangaḻe in togoindopnea tatua.

DATU MITA IMITÁNEA 1:25

Singgai naa doman sia in noposumbadon in domba mobayong, sapi koḷakian bo ki adí in sapi inta mongoḷomumu. Bayongan adí ḷoḷaki i tuang datu ain inoinínea. Ná doman tua in Tongguḷu totok in tontara mopoparang i tuang datu, bo ki Imang Abyatar. Tanaa mako mosia in yogotdon morame takinnea bo morogiow in moguman, ‘Mobiag in ki Datu Adonia!’

DATU MITA IMITÁNEA 1:31

Dá sinumungkudon in ki Batsyeba poḷat noguman, “Umurandon mobiag in ki Tuang datu!”

DATU MITA 2 18:26

Bo ki Elyakim, ki Sebna, bo ki Yoah in noguman kon porwira tatua, “Tuang, tumonsingogdon in Aram aka moyosingog nami, komangaḻeanbí nami. Dika momaké in tosingogon in Ibrani, sin komangaḻeandon in rayat inta kon tudu in dinding kotá tatua.”

EZRA 4:7

Ná doman tua in kon pinomarentaan i Artahsasta, kaisar in Persia, tua in nobaḻí bui: ki Bislam, ki Mitredat, ki Tabeel bo yobayat mita monia in nomais kon surat kon i datu. Surat tatua in pinais kon bonu in tosingogon in Aram, bo musti terjemahan kon dodai in bacaan.

NEHEMIA 2:3

bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

YESAYA 36:11

Bo guman i Elyakim, i Sebna bo i Yoah kon porwira in Asyur tatua, “Tuang, poyosingogdon nami tumon singog in Aram, komangaḻean nami. Dika momaké in singog in Ibrani, sin komangaḻeandon in rayat kon tudu in dinding in kotá tatua.”

YESAYA 44:25

Akuoibí naa inta noḷamboi kon toḻindap in mononoḻindap, bo inta nopoyambá kon mogogoiní mita. Tosingogon mita in intau mobijak binayowan-Ku, kabijaksanaan monia binaḻí-Ku kabodokan.

DANIEL 1:4

Mosia in mustibí tayowmobiag inta diá in bogit. Musti moḷunat, norosikoḷa moḷantud, mopandoi bo mobarong in kotaauan monia bo patus mopobayá in oaidan kon bonu in komaḻig. Ki Aspenas in mustibí motundú kon i monia mobaca bo momais kon bonu in singog in Babel.

DANIEL 2:7

Mosia in notubag bui, “Oumanon muna Tuang kon inami in togoindop tatua, baintua bo insilangan nami in mangaḻenea.”

DANIEL 3:9

Mosia in noguman kon i Datu Nebukadnezar, “Mobiagdon in ki Tuangku modapot in mononoi!

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

DANIEL 4:7

Táe naonda in mononoḻindap, mototaau bo intau mita inta mobayong in sinotaau bo intau mita inta nonotaau in bobayá in tundi namangoi bo inoumanku in togoindopku tatua kon i monia, yo diábí tobatúmai in intau in nokopoguman kon mangaḻenea.

DANIEL 4:9

“Ei, Beltsazar, itoi in intau mita inta kototaau, kinotaauanku kon iko in kinawasa in dimukud in dewa mita inta motusi, dá diábí in noibuni kon inimu. Indongogaidon in togoindopku tanaa, bo ininsilangandon in mangaḻenea.

DANIEL 5:10

Nokodongogmai kon karak mita i datu bo in intaunea mita moḷoben, ki iná i datu sinumuot kon yuang bobutungan tatua. Bo sia in noguman, “Mobiagdon in ki Tuangku modapot in mononoi! Pokoonow in gina i Tuangku bo dikabí mobilai.

DANIEL 5:8

Intau mita mongopandoi minayá inumuna, táe diá tobatúmai in nongkon sigad monia in mokobaca kon pais tatua andeka mopotaau in mangaḻenea kon i datu.

DANIEL 6:21

Noiyaputmai intua, nokuuk in sia táe takin ḻia-ḻiaw in gina, “Daniel, mogogundoi i Allah inta nobiag! Degá ki Allahmu inta sinumbamu totu-totuu tua in nokoposaḷamatdon kon inimu nongkon singa mita tatua?”

DANIEL 6:6

Bo mosia in noguman, “Kita in tongábí mokouḻí kon taḷá i Daniel kon soaḷ agamanea.”

DANIEL 6:7

Onda intua minayádon in mosia noyotakin kon tayowon i datu bo noguman, “Oo Tuangku Datu Darius, mobiagdon in ki Tuangku modapot in mononoi!

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

SAMUEL 1 10:24

Onda intua ki Samuel noguman kon rayat, “Naadon in intau inta piniḻí i Tuhan, diábí in poḻiu kon sigad naton komintan.” Bayongan in bangusa tatua norogiow, “Mobiag datu!”