DANIEL 2:38 - Alkitab Singog In Mongondow Masa In Tanaa

³⁸ Ki Tuangku in binaḻí-Nea pongawasa kon tonsilai in dunia inta oyúon in nogutun bo kon bayongan in ḷagapan bo mahaḷuk ibanea. Ki Tuangku tontaní in inta uḷu buḷawan kon patong tatua.

DANIEL 2:38 Iomraidhean Croise

YEREMIA 34:1

Kon dodai in ki Nebukadnezar datu in Babel takin tontaranea inta iniropotan in tontara mita nongkon bayongan in bangusa bo negara inta nokiompu kon inia namangoi nonubu kon Yerusalem bo kotá mita kon diugneamai, ki Tuhan in nosingog kon inakó.

DANIEL 1:2

Inogoi i Tuhan in sia in nonaḷow kon i Datu Yoyakin bo poḷat nogagow kon tongosilai in pakakat mita inta koboḻi kon Baḷoi Tuhan. Intau mita inta sinokodakopnea, dinianea kon kuil in dewanea kon Babel, bo pakakat mita inta koboḻi inta inagownea, sinagúnea kon bonu in gudang mita in kuil tatua.

DANIEL 2:32

Uḷunea in pinomia nongkon buḷawan taakan, dodob bo kokaḷnea in nongkon saḷaka, ogotan bo kayangnea in nongkon bitú,

DANIEL 2:39

Táe naonda in dodatuan i Tuangku mopaḷut, momukádon in dodatuan ibanea inta diá ná koḷoben in dodatuan i Tuangku. Onda intua momuká domandon in dodatuan intoḷunea inta ilambangan in tonsilai nongkon bitú kon patong tatua, inta mongawasa kon sinangkub in dunia.

DANIEL 4:18

Ei Beltsazar, tuata in togoindopku. Tanaa in pogumandon kon inakó in mangaḻenea. Diábí tobatúmai in kon sigad in intau mita mongopandoi inta kon bonu in dodatuanku in nokopotaau kon inakó in mangaḻenea, táe iko in mokopotaaubí, sin iko in kinawasa in dimukud in dewa mita inta motusi.”

DANIEL 5:18

Ki Allah Inta Totok in moḷantud nomaḻí kon i Nebukadnezar ki amá i Tuangku nobaḻí datu moḷantud bo nobogoi kon inia in koḷoḷoben bo ponango-nangoian.

DANIEL 7:4

Inta muna batangannea in naonda bo singa, táe kokoḻikipan ná koḻikip in ḷagapan garuda. Naonda in inindoianku, daḻídon norabut in koḻikipnea bo noḷabú; noibingkat in sia nongkon butá bo pinosindog kon sioḷ doyowa naonda bo intau, bo inogoian in raian intau.