DANIEL 2:23 - Alkitab Singog In Mongondow Masa In Tanaa

²³ Oo, ki Allah in dinayo-dayow in mogoguyangku, Iko i dinayow bo pinoḷantudku. Sin inogoi-Mu kon inakó in hikmat bo ropot. Oigum nami in dinuduian-Mudon. Bo tubag kon i datu in pinoontong-Mudon.”

DANIEL 2:23 Iomraidhean Croise

KINOBAḺIAN 18:17

Ki Tuhan nosingog kon bonu in gina, “Diábí bunion-Ku kon i Abraham onu in pomiaan-Ku.

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

DATU MITA IMITÁNEA 18:36

Naonda in orasdon moposumba in kuruban ḷoḷabungnea, ki Nabi Elia in dinimiug kon mezbah tatua bo nosambayang, “Oo Tuhan, Allah inta sinumba i Abraham, i Ishak bo i Yakub, poniatadon in tanaa mako kon Ikobí in Allah kon Israel, bo akuoi naa in mogogundoi-Mu. Poniatadon doman kon bayongan inta pinomiaku naa in parenta-Mubí.

DATU MITA IMITÁNEA 8:57

Igumon mako in ki Tuhan Allah naton in koyota-yotakin naton ná doman kon mogoguyang naton. Igumon mako in diá taḷaan-Nea in kita.

TAWARIKH 1 29:10

Kon tayowon in intau mobayong tatua ki Datu Daud nodayow kon i Tuhan. Sia in noguman, “Oo Tuhan Allah inta sinumba i Yakub mogoguyang nami, dinayo-dayowdon in Iko modapot in mononoi!

TAWARIKH 1 29:13

Tanaa, o Allah nami, kami mopoyaput in sukur kon ini-Mu, bo modayow in kami kon tangoi-Mu inta moḷantud.

TAWARIKH 2 20:6

bo nosambayang noropot, “Oo Tuhan, Allah in mogoguyang nami! Iko in ki Allah inta kon soroga bo inta nomarenta kon bayongan in bangusa kon dunia. Iko in mokawasa bo moropot; diábí in tobatúmai in mokoḷawang kon ini-Mu.

MAZMUR 21:2

O Tuhan, moḷunganga in gina i datu sin iniropotan-Mudon in sia; mopia in ginanea popisí in kinountungan inta inogoi-Mu kon inia!

MAZMUR 21:4

Iko in namangoi kon inia kodia-dia in barakat inta mobarong totok, bo nopoḷutud in mahkota buḷawan kon uḷunea.

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

IḶUAIAN 3:15

Potaau domandon kon i monia kon Akuoi, Tuhan, ki Allah in mogoguyang monia, ki Allah i Abraham, i Ishak bo i Yakub, nopotabá kon inimu namangoi kon i monia. Akuoibí naa in ki Tuhan, tuata in tangoi-Ku mononoi. Tuata in ponangoi kon i-Nakó kon bayongan bangusa dapot in adí bo ompu.

AMSAL 21:22

Intau inta mopandoi mokotongodbí in mogagow kon kotá inta iḷukadan in tontara inta mongotorindog; sia in mogumpagbí kon poḷoḷukadan mita inta pongata monia.

AMSAL 24:5

Intau mobijaksana in mokobangka-bangkaḷ nongkon intau inta moropot; sinotaau in moponti-ponting nongkon ropot.

AMSAL 8:14

Akuoibí inta nopogonú in raian. Bo akuoi doman in nomaḻí kon inia. Akuoi in mopandoi bo moropot doman.

MOHOHUTUBA 7:19

Hikmat in mokodugang kon itoginea moropot moiḻiu kon pongawasa mopuḷú kon kotá tobatú.

MOHOHUTUBA 9:16

Dá, totuubí in kain singogku kon hikmat naa in noiḻiubí kon ropot. Umpaka natua, hikmat in intau nobiag nobogá diá inindoianmai. Tosingogonnea diá in inindongogan.

MOHOHUTUBA 9:18

Hikmat in mobara-baraguna nongkon ḷoḷutam, táe aid moraat topiḻik mokogoguyaat kon aid mopia mobayong.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

DANIEL 1:17

Ki Allah in nobogoi kon inaya opat in hikmat bo kototaau kon noyagi-yagimai in pais. Koḻikud intua ki Daniel inogoian doman in pandoi moginsilang kon mangaḻe in oontongon bo togoindop.

DANIEL 2:18

Pinotabánea in mosia nosambayang kon i Allah kon soroga sinbá totabion-Neapa in mosia bo mopotaau in bonu in togoindop tatua. Takin natua dá mosia in diábí hukumon matoi poyotakinon in intau mongopandoi ibanea.

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

LUKAS 10:21

Kon wakutu intua doman, noḷungangadon in gina i Yesus, sin kinawasa in Roho i Allah. Ki Yesus in nosingog nanaa, “Akuoi in mosukur kon ini-Mu Amá, Tuhan in ḷangit bo butá sin bayongan intua aindon binuni-Mu kon intau mita inta mopandoi bo mobijaksana, táe aindon pinoontong-Mu kon intau mita inta nongobodok. Tuabí in kinoibog i Amá.

YOHANES 11:41

Dá pinosídon monia in batu tatua. Onda intua ki Yesus iḷumangag kon ḷangit bo nosingog, “Sukur moantó Amá, sin ain inindongogan-Mu in Akuoi.

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

WAHYU 1:1

Buk tanaa in nongonguman kon onu inta pinoontong i Yesus Kristus soaḷ mita inta mobaḻí. Pinotaau i Allah kon i Kristus, sinbá potaau i Kristus kon intau mita inta nogaid kon oaidan i Allah in onu inta diádon moonggot bo mobaḻí. Ki Kristus nopotabádon in malaekat-Nea namangoi kon i Yohanes, intau inta mogogaid kon oaidan-Nea, sin mopotaau kon inia in bayongan soaḷ inta mobaḻí tua.

WAHYU 5:5

Bo tobatú in intau nongkon sigad in itoi mita tatua in noguman kon inakó, “Donaai mongombaḷ! Indoiai! Singa nongkon suku in Yohuda, buí i Daud inta moḷoben, ain nountung. Sia in mokosanggup moḷosi kon meterai pitu tatua bo mobuká kon buk tatua.”