DANIEL 2:22 - Alkitab Singog In Mongondow Masa In Tanaa

²² Siabí doman inta nobuká kon onu inta noibuni totok. Kinotaauan-Nea in bayongan inta nobaḻí kon bonu in sindip. Sia in binakut in sindar inta mobayag.

DANIEL 2:22 Iomraidhean Croise

KINOBAḺIAN 41:16

Ki Yusup in notubag, “Deemanbí akuoi bobantung tanaa, Tuangku, táe ki Allahbí in moginsilang kon mangaḻe in togoindop i Tuang.”

AYUB 12:22

Sinimbayagan-Nea in tampat mita inta nodingungui; sinindaran-Nea in oḻinow mita inta morondí bo mosindip.

AYUB 26:6

Kon tayowon i Allah, dunia in intau minatoi nobukat, diá noioḻingoi dá koontongan-Nea.

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

MAZMUR 36:9

Mosia in moorop in kaanon mobarong kon Baḷoi-Mu, takin oinumon nongkon ongkag-Mu inta mokoguḻí kon yogang.

MOHOHUTUBA 8:1

Totuu mosanang in intau mobijaksana. Kotaauannea in tubag in bayongan pelekara. Pandoi nokopomomi kon inia sin pia in gina, dá pogotnea in umuranbí motarimbuka.

YESAYA 41:22

Angoidon, bo toḻindapaidon onu in mobaḻí, sinbá kotaauan nami in kopaḷutannea moiduduimai. Potaaudon in bayongan inta nobaḻí koḻipod, insilangai in mangaḻenea sinbá taridian nami.

YESAYA 41:26

Ki ine in kon sigad monimu in ain nonoḻindap kon tua, nodapot in kami motaau mopobanar kon inia? Táe kon sigad monimu diábí in nopotaau, Diábí in nokidongog kon i monimu nosingog.

YESAYA 42:9

Tanaa in inta sinoḻindap-Ku in noniatadon; Akuoi in moibog mopotaau in onu inta mobagu; kon dodai intua diápa mobaḻí, aindon muna pinoguman-Ku kon inimu.”

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

DANIEL 2:11

Ki Tuangku in moibog kon onu inta totok in mororiga aidan. Diábí tobatúmai in mokotubag koḻikudbí in dewa mita, táe mosia in diábí nogutun kon sigad in intau.”

DANIEL 2:19

Kon doḷom doman tatua ki Allah in nopotaau kon onu in togoindop i datu tatua kon i Daniel kon bonu in oontongon tobatú. Dá ki Daniel nodayow kon i Allah kon soroga,

DANIEL 2:47

Ki Datu in noguman, “Totuu, Daniel, ki Allahmu tua in moḷobe-ḷobenbí kon bayongan in allah. Sia in nongawasa kon bayongan in datu, bo nopotaau in bayongan inta noibuni. Kinotaauanku intua sin iko in nokomampudon noginsilang kon mangaḻe in inta noibuni tanaa.”

DANIEL 5:11

Sin kon bonu in dodatuan i Tuangku oyúon in ḷoḷaki tobatú inta kinawasa in dimukud in dewa mita inta motusi. Kon dodai in pinomarentaan i amá i Tuangku, noniatadon kon intau tatua in totok mopandoi, momangaḻe bo kohikmat, inta naonda bo hikmat in dewa mita. Ki amá i Tuangku ki Datu Nebukadnezar ain noduí kon inia nobaḻí itoi in mogogoiní kon dimukud, mototaau bo in intau mita inta mobayong in sinotaau bo inta nonotaau in bobayá in tundi.

DANIEL 5:14

Dinongogku kon iko in kinawasa in dimukud in dewa mita inta motusi, bo iko in inogoian in pandoi, pomomangaḻe, bo hikmat inta diá in poḻiuan.

MATIUS 13:13

Manangka intua Akuoi motundú kon i monia nomaké in poumpamaan, sinbá umpaka nokoontong, táe mosia in naonda bo intau inta diá nokoontong; bo umpaka in mosia nokodongog, táe mosia in naonda bo intau inta diá nokodongog sahingga in diá kotaauan monia in mangaḻenea.

YOHANES 1:9

Bayag totokanea inta monimbayag kon bayongan in intau, mamangoi in dunia.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

EPESUS 3:5

Koḻipod, onu inta noibuni tatua diá kon dodai in onda in pinotaau kon intau, táe tanaa, ain pinoniata in Roho i Allah kon rasul mita bo kon nabi-Nea mita.

ULANGAN 29:28

Torú i Tuhan noiḷuai námai tua in kotoyangnea, bo kon bonu in torú-Nea inta totok in moḷoben tatua Sia nogugut kon bangusa Israel nongkon butá monia bo nopogarab kon i monia minayá in butá in intau dá mosia in nogutundon kon tua.’

TIMOTIUS 1 6:16

Tongábí Sia in diá kokawasaan in popatoi bo inta nobiag kon sindar inta diá motaau diugan i inekabí. Diábí in tobatúmai intau mokoontong kon i-Nia, bo totuubí kon diábí ontongon intau in Sia. Tongábí Sia in patus horomaton sin kawasa-Nea in noiḻiu kon bayongan kawasa kon dunia naa modapot in kopaḷutan dunia naa! Amin.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

YOHANES 1 1:5

Naadon in habar inta ain dinongog nami nongkon i Adí-Nea bo inta poyaput nami kon i monimu: Ki Allah tua in bayagbí, bo kon i-Nia diábí in sindip topiḻikpamai.