DANIEL 2:21 - Alkitab Singog In Mongondow Masa In Tanaa

²¹ Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

DANIEL 2:21 Iomraidhean Croise

DATU MITA IMITÁNEA 10:24

Bayongan in intau kon dunia naa in moḷongasibí mokipodungkuḷ kon i Salomo sin mokidongog kon totundú inta mobijaksana inta inogoi i Allah kon inia.

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA IMITÁNEA 4:29

Ki Allah in nobogoi kon i Salomo in kabijaksanaan, bo pandoi inta diá in poḻiu, bo pongortian inta totok in moako.

TAWARIKH 1 22:12

Bo igumon mako ki Tuhan Allahmu in mobogoi kon inimu in kabijaksanaan bo pandoi sin momarenta kon Israel podudui in hukum-Nea mita.

TAWARIKH 1 29:30

Kon bonu in buk tatua inouman in pinomarentaannea, kawasa nea bo bayongan inta nobaḻí kon inia, kon Israel bo kon dodatuan mita inta kon diugmai in Israel.

ESTER 1:13

Oyúon in kabiasaan i datu kon mopoigum in tosingogon kon intau mita inta mopandoi totok in hukum kon soaḷ hukum bo adat. Tuamai in inoinínea in mononongginanea inta nonotaau mongo onu in musti pomiaan kon pelekara ná tatua.

AYUB 12:18

Iḻitoi-Nea in datu bo dinakop-Nea in mosia;

IḶUAIAN 31:3

bo inogoian-Ku in sia in kawasa-Ku. Sia inogoian-Ku in pomomangaḻe, toḻidat bo kototaau kon bayongan yagi-yagi oaidan:

IḶUAIAN 31:6

Ki Aholiab, ki adí i Ahisamakh nongkon suku Dan, ain piniḻí-Ku doman sin motuḷung kon inia. Bas mita inta mopandoi ogoian-Ku doman in toḻidat inta diá in poḻiu, sinbá mosia motaau mogaid kon onuka in pokiaid-Ku:

DANIEL 1:17

Ki Allah in nobogoi kon inaya opat in hikmat bo kototaau kon noyagi-yagimai in pais. Koḻikud intua ki Daniel inogoian doman in pandoi moginsilang kon mangaḻe in oontongon bo togoindop.

DANIEL 10:1

Kon taong intoḷunea kon pinomarentaan i Datu Koresh kon Persia, koyow tobatú pinoniata kon i Daniel inta dinonoi doman ki Beltsazar. Koyow tatua in totuubí, táe mororiga totok komangaḻean. Kon dodai in moḷongasi momangaḻe kon tua ki Daniel in notarima kon insilang soaḷ mangaḻe in koyow tatua kon bonu in tobatú oontongon.

DANIEL 11:6

Tongonumai notaong noiduduimai ki datu in butá in toḷatan in noyopakatdon takin datu in butá in utuan bo mopotonibuḷoi kon i adínea bobay takin i datu in butá in utuan tatua. Táe pinonobatúan tatua diábí mononoi, bo ki adínea bobay tatua in ḻimodonbí, natua doman in ki buḷoi bo ki adínea bo bobantungnea mita inta ain nogatod kon inia.

DANIEL 2:20

gumannea, “Ki Allah tua in mobijaksana bo moroton, dinayo-dayowdon in Sia modapot in mononoi!

DANIEL 2:23

Oo, ki Allah in dinayo-dayow in mogoguyangku, Iko i dinayow bo pinoḷantudku. Sin inogoi-Mu kon inakó in hikmat bo ropot. Oigum nami in dinuduian-Mudon. Bo tubag kon i datu in pinoontong-Mudon.”

DANIEL 2:9

mohukum kon i monimu komintan potongkaion aka diá mokomampu in moiko mopotaau in togoindop tatua kon inakó. Moiko in moyopopog kon umuran monguboḷ mopomia ibo-ibog kon inakó takin kamang kon akuoi in momaḷuibí kon onu inta sinantúku. Yo, potaaudon in togoindop tatua, dá kotaauankudon kon moiko in mokomampu doman moginsilang kon mangaḻenea.”

DANIEL 4:14

Noropot in singognea in noguman, ‘Pupuḷdon in pangkoi in kayu tatua bo pongkódon in tanganea mita, tontakdon in daunnea mita bo poraritdon in bungainea mita. Untundon in mahaḷuk mita inta nosiug mako kon siungonnea bo ḷagapan mita inta nonompugad kon tanganea mita.

DANIEL 4:17

Tuata in bontow in tosingogon nami malaekat mita inta umuran kiḷuka-ḷukadmai bo inta tantú nokopoingat. Makusud nami in bá intau mita kon ondaka yo mongaku, kon ki Allah Inta Totok in moḷantud in kitogi kawasa kon dodatuan in intau bo dodatuan tatua in ogoi-Nea kon i inekabí in piniḻí-Nea, nodapotbí in kon intau inta totok in diá in mangaḻenea!’

DANIEL 4:22

Oo, Tuangku, ki Tuangkubí in pangkoi in kayu inta moḷantud bo moropot tatua. Koḷoḷoben i Tuangku modugang modapot in ḷangit bo kawasa i Tuangku in moiyoyanú modapot kon popod in dunia.

DANIEL 4:32

Iko in poguntunon nongkon sigad in intau mita, bo mobiag moyotakin in mahaḷuk mita kon rawang. Pitu notaong in koonggotnea iko in mokaan kon bonok naonda bo sapi. Mopaḷut mako kon tua iko in mongakudon kon Ki Allah Inta Totok in moḷantud in kitogi kawasa kon dodatuan in intau bo dodatuan tatua in inogoi-Nea kon i inekabí inta piniḻí-Nea.”

DANIEL 7:25

Sia in mosingogbí monayow kon i Allah Inta Totok in moḷantud bo mondorot kon umat i Allah. Sia in moḷongasibí momaḷui kon hukum mita bo singgai mita moḷoben in agama in umat i Allah, bo mosia in kawasaanneabí kon bonu in toḷu bo tobotak in taong.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

SURAT I PAULUS KON JAMAAT RUM 13:1

Pomuḷoi intau in musti dumudui kon pomarenta, sin diábí in pomarenta in diá nokouḻí kon kawasanea nongkon i Allah. Bo pomarenta masai naa nopobayá in kawasanea podudui in parenta i Allah.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

WAHYU 19:16

Jubah bo paa-Nea in pinaisan tangoi nanaa, “Datu in bayongan datu, bo Tuang in bayongan tuang.”