DANIEL 2:18 - Alkitab Singog In Mongondow Masa In Tanaa

¹⁸ Pinotabánea in mosia nosambayang kon i Allah kon soroga sinbá totabion-Neapa in mosia bo mopotaau in bonu in togoindop tatua. Takin natua dá mosia in diábí hukumon matoi poyotakinon in intau mongopandoi ibanea.

DANIEL 2:18 Iomraidhean Croise

KINOBAḺIAN 18:28

Aka kuma bo tongádon opat nopuḷú boḻima, deemandon ḻima nopuḷú in intau inta diá kotaḷá, yo degá yopúonpa doman i Tuhan in bayongan kotá tatua tongá pinopisí in kinogaatan intau taya ḻima tatua?” Ki Tuhan in noguman, “Kotá tatua in diábí yopúon-Ku aka kuma kouḻían-Kupa kon opat nopuḷú boḻima in intau inta diá kotaḷá.”

MAZMUR 136:26

Posukurdon kon i Allah inta nongawasa kon ḷangit; tabi-Nea in umuran mononoi.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

YESAYA 37:4

Datu in Asyur ain nopotabá in porwiranea moḷantud sin moningkuḻe kon i Allah inta nobiag. Dika-dika bo ki Tuhan ain nokodongog kon singkuḻe tatua bo mohukum kon i monia inta nosingog kon tua! Tuamai in posambayangdon kon i Allah kon kopontingan in intau mita naton inta nobiagpa.”

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.

DANIEL 2:23

Oo, ki Allah in dinayo-dayow in mogoguyangku, Iko i dinayow bo pinoḷantudku. Sin inogoi-Mu kon inakó in hikmat bo ropot. Oigum nami in dinuduian-Mudon. Bo tubag kon i datu in pinoontong-Mudon.”

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

DANIEL 4:26

Malaekat mita in nomarenta sinbá tuod in pangkoi in kayu tatua pomayá mako in moimuḷa mako kon butá. Tua in mangaḻenea kon ki Tuangku in mobaḻípabí datu naonda in ki Tuangku mongakudon kon ki Allah in kitogi kawasa kon sinangkub in dunia naa.

YUNUS 1:9

Tubag i Yunus, “Akuoi naa intau in Ibrani. Akuoi in nosumba kon i Tuhan Allah kon soroga, inta nomaḻí kon dagat bo toba.”

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

MATIUS 18:12

Podudui in raianmu yo naonda in naa? Aka intau bo oyúon in dombanea mogatut in kobayongnea, bo tobatú kon sigad in domba mita tatua in nobuḻi, yo onu degá in aidannea? Tantú taḷaanneapabí muna in domba inta siow nopuḷú bo siow tua bodongka mayá motayak, kon inta nobuḻi tobatú tua.

MATIUS 18:19

Akuoi in bui doman moguman kon i monimu: Aka doyowa in intau kon sigad monimu bo motobatú kon gina bo moigum kon onukabí, yo onu inta pinoigum monia tua, ogoibí i Amá-Ku inta kon soroga.

OUMAN IN RASUL MITA 12:4

Kon bonu in ponjara tatua ki Petrus iḷukadan in tontara opat norogu. Kon torogu opat in tontara. Sin makusud monia aka mopaḷutdon kon singgai in Paska, yo adilondon i Herodes in sia kon tayowon intau moantó.

SURAT I PAULUS KON JAMAAT RUM 15:30

Podoyon kon tangoi i Tuhan naton ki Yesus Kristus, bo podoyon kon tabi inta inogoi in Roho i Allah, igumonku totok sinbá moiko in moyotakinku mosambayang kon i Allah.

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,

SAMUEL 1 17:37

Ki Tuhan ain noposaḷamat kon bobantung naa nongkon singa bo beruang, yo Siabí doman in moposaḷamat kon bobantung naa nongkon intau in Pilistin tatua.” Bo noguman in ki Saul kon inia, “Mopia, poigumon mako ki Tuhan motuḷung kon inimu.”