DANIEL 12:7 - Alkitab Singog In Mongondow Masa In Tanaa

⁷ Intau ibanea tatua in nopotundú in ḻimanea doyowa nosimpaḷ ná ḷangit. Dinongogku in sia nongibot pinodoyon kon i Allah inta mononoi bo noguman, “Bayongan inta nobaḻí tatua in modapotbí in toḷu notaong kapin. Naonda in mopaḷut mako in pomogutúan kon umat i Allah mopaḷut, dá mopaḷut domandon in inta mokoherang mita tatua.”

DANIEL 12:7 Iomraidhean Croise

YESAYA 62:12

Mosia in tangoionbí: ‘Umat motusi’; ‘Umat inta pinosaḷamat i Tuhan’. Yerusalem in tangoiondon ‘Kotá inta dinondouḷugan i Tuhan’, ‘Kotá inta diá bidon sinaḷáan i Tuhan’.

YEREMIA 4:2

Aka moiko in mongibot podoyon kon tangoi-Ku bo moiko in mobiag mojujur moadil bo mobanar, dá bayongan in bangusa in mopoigumbí kon i-Nakó sinbá barakatan-Ku in mosia, bo mosia in modayow kon i-Nakó.”

YEHEZKIEL 20:5

Poyaputdon in onu inta pinoguman-Ku tanaa. Akuoi in nomiḻídon kon Israel bo nongibotdon kon i monia. Kon Mesir, Akuoi in nokipogontong kon i monia poḷat noguman, ‘Akuoi naa in ki Tuhan Allahmu.’

DANIEL 10:5

Akuoi in iḷumangag, bo inontongku in intau tobatú inta nogiḷambung nongkon linen bo baan nongkon buḷawan taakan.

DANIEL 11:13

Kon induaneadon ki datu in butá in utuan bui mogoiní kon intau mobayong baḻíon tontara, mobayo-bayongbí kon inta muna. Aka moiangoidon in wakutunea, mayádon in sia moparang takin tontaranea inta mobayong inta sinouḷutan in pakakat in parang inta mobarong totok.

DANIEL 12:6

Tobatú in noḻibó kon inta sinimindog modiu-diug kon uḷuan in ongkag, “Toonu degá in kopaḷutan in inta mokoherang mita tanaa.?”

DANIEL 12:8

Bayongan inta pinogumannea tatua in totuubí kon dinongogku, táe diá kinomangaḻeanku. Bo akuoi in noḻibó, “Tuang, naonda in kopopaḷut intua komintan?”

DANIEL 4:31

Diápa nopaḷut in akuoi nosingog bo kinodongogandon in singog nongkon ḷangit, “Datu Nebukadnezar, indongogaidon in naa! Kawasamu saḷaku datu in ginamádon nongkon inimu.

DANIEL 4:34

Naonda in pitu notaong inta sinantú tatua noitaḻibdon, iḷumangag in akuoi kon ḷangit, bo nosadardon bui in ginaku. Dá dinayowku in ki Allah Inta Totok in moḷantud. Inuntu bo pinomuliaku in Sia inta nobiag mononoi tua. “Ki Allah in mobaḻí datu modapot in mononoi. Sia in nongawasa modapot in kopaḷutannea.

DANIEL 7:21

Kon dodai in sinaridikumai, tungoi tatua in moparang monayow kon umat i Allah bo nonaḷow kon i monia.

DANIEL 7:25

Sia in mosingogbí monayow kon i Allah Inta Totok in moḷantud bo mondorot kon umat i Allah. Sia in moḷongasibí momaḷui kon hukum mita bo singgai mita moḷoben in agama in umat i Allah, bo mosia in kawasaanneabí kon bonu in toḷu bo tobotak in taong.

DANIEL 8:14

Dinongogku in malaekat tobatú ibanea in notubag, “Modapot in toribu bo mogatut bo ḻima nopuḷú nosinggaipa. Kon dodai intua kuruban muḷoi in ḷoḷabungnea bo muḷoi in doḷo-doḷom diápabí posumba. Bain mopaḷut mako kon tua bo baḷoi pooibadaan tompiaandon bui.”

DANIEL 8:24

Sia in mobaḻíbí moropot totok, táe deemanbí noidoyon kon ropotnea tontaní. Sia in mopoangoibí in inta mokoyopú inta mokokoningkim bo onukabí in aidannea kodapotanneabí. Sia in momutúbí kon intau mita inta motorindog bo umat i Allah.

LUKAS 21:14

Tuamai mokopotantú kon gina bo dikabí mohawatir in morai mongo onu in potubag monimu aka poḻibo-ḻibóan monia.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 26:19

Ki Tuhan momaḻíbí kon i monimu moḷoben-ḷoben nongkon bayongan in bangusa ibanea inta ain binaḻí-Nea, bo moiko in dayowonbí bo horomaton. Moiko in mobaḻí umat i Tuhan Allahmu ná inta pinodandi-Nea.”

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

ULANGAN 32:40

Podoyon kon i-Nakó tontaní, ki Allah inta nobiag, tonggóon-Ku in ḻima-Ku bo mongibot:

ULANGAN 7:6

Aidaidon in tua komintan sin moiko nion in kapunyaan i Tuhan Allahmu. Nongkon bayongan bangusa kon dunia naa, moikobí nion inta piniḻí i Tuhan Allahmu mobaḻí umat inta sinondí kinotabi-Nea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

WAHYU 12:14

Táe bobay tatua inogoiandon in koḻikip doyowa. Koḻikip in boniá moḷoben, sinbá ḷumayug in sia mayá in tampatnea kon padang gurun, tampat inta poḷukadan kon inia kon bonu in toḷu notaong kapin, sin pomiḷagui kon uḷag.

WAHYU 12:6

Dá bobay tatua in noḷagui nopobayá in padang gurun, tampat inta ain sinadia i Allah kon inia. Sia in iḷukadan kon tampat tatua kon bonu in 1.260 nosinggai in koonggotnea.

WAHYU 13:5

Mahaḷuk tatua inogoianbí in kasampatan ḷumoḷatú in mosingog bo moningkuḻe kon i Allah. Sia inogoianbí doman in kasampatan momarenta kon bonu in opat nopuḷú bodoyowá nobuḷan koonggotnea.

WAHYU 4:10

Bo kon wakutu in mahaḷuk mita tatua modondong, dá itoi inta doyowa nopuḷú bo opat tatua in tumungkud kon tayowon in intau inta iḻimitú kon tampat pomomarentaan tatua bo mosumba kon i-Nia inta tantú nobiag bo diá mato-matoi. Onda intua mosia in mopogarab in mahkota monia kon tampat pomomarentaan tatua poḷat mosingog,

WAHYU 4:9

Mahaḷuk opat tatua in pomuḷoi mako mopoyaput in dodayow mita, horomat bo sukur kon i-Nia inta iḻimitú kon tampat pomomarentaan tatua, inta tantú nobiag bo inta diá mato-matoi.