DANIEL 12:13 - Alkitab Singog In Mongondow Masa In Tanaa

¹³ Iko Daniel, kotoinduduidon modapot in kopaḷutannea. Iko in matoibí, táe mobiagbí bui sin motarima kon tondan in pinogaidanmu kon singgai tumi.”

DANIEL 12:13 Iomraidhean Croise

MAZMUR 1:5

Intau moraat in hukumonbí i Allah, hakimnea bo potondíon nongkon umat-Nea.

MAZMUR 16:5

Tuhan, tongá Iko in kinoibogku; Iko in nobogoi in bayongan inta paraḷuku, ukurku in kon bonubí in kawasa-Mu.

MAZMUR 16:9

Tuamai in ginaku in moḷunganga bo dimukudku in monggoḷokap, bo awakku in mogogai takin moodom.

IḶUAIAN 33:14

Ki Tuhan noguman, “Moiko in ḷukadan-Ku sinbá mokouḻí kon butá inta pinodandi-Ku.”

DANIEL 12:3

Itoi mita inta mobijaksana in monindarbí naonda bo sindar in ḷangit. Bo mosia inta ain notundú kon mobayong in intau sin mogaid kon inta mopia bo moadil, in monindarbí naonda bo tundi mita modapot in mononoi.”

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

ZAKHARIA 3:7

“Aka iko tumoḷutui kon hukum-Ku mita bo mopobayá in oaidan mita inta inogoi-Ku kon inimu, dá modapot in kon singgai moiduduimai iko umuran motaau mobaḻí itoi kon bonu in Baḷoi-Ku bo monompiamai kon palasnea. Akuoi in mokidongogbí kon sambayangmu mita, naonda bo Akuoi mokidongog kon sambayang in malaekat inta kon diug-Ku.

MATIUS 19:28

Guman i Yesus kon i monia, “Popirisayadon: Kon Dunia Mobagu i Allah, Adí Intau in ḻimitúdon kon tampat pomomarentaan-Nea inta momulia. Kon wakutu intua moiko murí-Ku mita in ḻimitú doman kon ḻimonik in mopuḷú bodoyowá in tampat pomomarentaan bo mohakim kon mopuḷú doman bodoyowá nosuku kon Israel!

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”