DANIEL 11:6 - Alkitab Singog In Mongondow Masa In Tanaa

⁶ Tongonumai notaong noiduduimai ki datu in butá in toḷatan in noyopakatdon takin datu in butá in utuan bo mopotonibuḷoi kon i adínea bobay takin i datu in butá in utuan tatua. Táe pinonobatúan tatua diábí mononoi, bo ki adínea bobay tatua in ḻimodonbí, natua doman in ki buḷoi bo ki adínea bo bobantungnea mita inta ain nogatod kon inia.

DANIEL 11:6 Iomraidhean Croise

AYUB 38:15

Bayag in singgai moiḻiu in bayag kon intau inta diá kotuhan, bo nonahang kon i monia mogaid kon inta moraat.

MAZMUR 10:5

Intau moraat mokodapot kon bayongan inta iḷongasinea; sia in diábí nonotaau andeka nomangaḻe kon hukum i Tuhan bo mopoompámai kon bayongan in musungnea.

YEHEZKIEL 30:21

“Ei intau ilo-ilow, pinutoḷan-Kudon in kokaḷ i datu in Mesir, bo diábí in mobakut kon kokaḷnea tatua andeka mogomoḷ sinbá mopia bo moropotdon bui pokadai kon kedang.

DANIEL 11:13

Kon induaneadon ki datu in butá in utuan bui mogoiní kon intau mobayong baḻíon tontara, mobayo-bayongbí kon inta muna. Aka moiangoidon in wakutunea, mayádon in sia moparang takin tontaranea inta mobayong inta sinouḷutan in pakakat in parang inta mobarong totok.

DANIEL 11:15

Onda intua datu kon butá in utuan mongopung kon kotá tobatú inta oyúon in tondok dinding bo mogagow. Tontara in butá in toḷatan diábí mokotongod, bo tontaranea mita inta nongotompiḻí diábí mokoponayow.

DANIEL 11:40

Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.

DANIEL 11:7

Diá noonggot kon tua, intau tobatú inta ginaḷum i adí bobay in datu tatua in mobaḻí datu. Sia in monububí kon tontara in datu kon butá in utuan, monubu kon dinding tondoknea bo poḷat monaḷow kon inia.

ZAKHARIA 11:16

Sin Akuoi in mopotabábí in gombala tobatú sin moḷukad kon paanan in domba-Ku, táe diábí pandungonneamai in domba inta nobuḻi; diábí tayakonnea in domba inta noiḷangkam, diábí doman mongundam kon domba inta kinekeban, bo diá mopokaan in domba inta nobiagpa. Nodapotbí in siadon tontaní in nokaan kon tapú in domba inta totok in noḷomumu bo norabut kon konuku mita in mahaḷuk tatua.