DANIEL 11:43 - Alkitab Singog In Mongondow Masa In Tanaa

⁴³ Sia in mogagowbí kon kapunyaan in Mesir ná buḷawan bo saḷaka takin kapunyaan ibanea inta totok in momahaḷ. Sia in duḷuanbí in intau in Libia bo Sudan.

DANIEL 11:43 Iomraidhean Croise

TAWARIKH 2 12:3

takin 1.200 in kereta in parang, 60.000 in tontara inta sinumakoi kon kabaḷo, bo tontara mobayong inta diádon koiapan in kobayongnea, noitakin doman in tontara in Libia, Suki bo Sudan.

IḶUAIAN 11:8

Kinotontumiannea ki Musa noguman, “Komintan pogawai moḷantud i Tuangku in mamangoibí bo tumungkud kon tayowonku bo mopoigum sinbá akuoi bo bangusaku in monaḷámaidon kon butá tanaa. Mopaḷut mako kon tua akuoi in mayádon.” Bo sinumorú totok in ki Musa bo nonaḷámai kon i datu.

YEHEZKIEL 38:5

Datu in sinakinan in tontara mita nongkon Persia, Sudan bo Libia, kon batúannea in nodia kon kedang bo sapoyo uwaja.

DANIEL 11:42

Kon tungkuḷ in sia mongawasadon kon dodatuan mita tatua, dodatuan in Mesir in diábí doman mokoḷagui.

DANIEL 11:44

Bo habar nongkon pomukaan bo utuan in mokotaḻikokogbí kon inia, dá moparangdon totok in sia bo moḻimod kon mobayong in intau.

NAHUM 3:9

Tebe in nomarenta kon Sudan bo Mesir, bo kawasanea in mononoi; Libia bo Put in notobatúnea.

HAKIM MITA 4:10

Bo ki Barak in nonongganutdon kon suku in Zebulon bo Naptali minayá ná Kedes. Tontara inta dinumudui kon i Barak bo kon i Debora kon dodai intua in 10.000 in intau.