DANIEL 11:40 - Alkitab Singog In Mongondow Masa In Tanaa

⁴⁰ Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.

DANIEL 11:40 Iomraidhean Croise

YESAYA 21:1

Naa in koyow kon Babel: Ná uḷu in tompot motoninsing moitaḻib kon padang gurun, natuata in koangoi in bodito nongkon butá inta motoyang.

YESAYA 5:28

Piotnea in moruit bo puḷunea in kosadi-sadia pomiot. Konuku in kabaḷonea ná kopanggit in batu tuḷú, bo bola in keretanea moburow naonda bo uḷu in tompot.

YESAYA 66:15

Totuu, ki Tuhan in mamangoibí takin tuḷú; Sia in tumakoibí kon kereta-Nea ná deḷang, sin mopobayá in torú-Nea, bo mongguak moropot.

YEREMIA 4:13

Indoiai, musung in moitukat ná goḷom. Kereta mita in parangnea in naonda bo deḷang, kabaḷonea mita in moḻika-ḻikat nongkon ḷagapan boniá. Ado, mobodito in kita! Moputú in kita!

YEHEZKIEL 38:4

Potabaton-Kubí in sia, poḷutudan in kokaud kon tuḷan in ayoinea, bo mogugut kon inia poḷuaion takin bayongan in tontaranea. Nobarongbí totok in tontaranea tumotakoi kon kabaḷo inta nogi soragam tatua. Batúan in tontara nodia kon kaḻeaw bo kedang.

YEHEZKIEL 38:9

Sia bo tontaranea takin nobayong in bangusa inta dinumudui kon inia in mamangoibí monubu naonda bo deḷang bo mongoḷob kon bayongan in butá naonda bo goḷom.”

DANIEL 11:10

Bo ki adí ḷoḷaki mita i datu kon butá in utuan in monouḷutdon sin moparang bo inoinínea in intau mobarong sin baḻíon tontara. Tobatú kon sigad monia tua in monubu naonda bo ḷunud. Kon ponubuan induanea sia in monubu kon dinding tondok in musung.

DANIEL 11:11

Dá sinumorúdon in ki datu in butá in toḷatan, bo mayábí in sia kon popoparangan bo monayow kon i datu in butá in utuan. Sia in mokotaḷowbí kon tontara mobarong inta dinia i datu in butá in utuan.

DANIEL 11:13

Kon induaneadon ki datu in butá in utuan bui mogoiní kon intau mobayong baḻíon tontara, mobayo-bayongbí kon inta muna. Aka moiangoidon in wakutunea, mayádon in sia moparang takin tontaranea inta mobayong inta sinouḷutan in pakakat in parang inta mobarong totok.

DANIEL 11:22

Bayongan in tontara inta moḷawang kon inia, nodapot in Imang Moḷobenpa, in upetonneabí modait poḷat yopúon.

DANIEL 11:25

Onda intua mobaranidon totok in sia in mogoiní kon intau mobayong sin baḻíon tontara sin monubu kon datu in butá in toḷatan inta ain nosadia domandon monayow kon inia takin tontara inta moropot bo mobarong totok. Táe ki datu in butá in toḷatan diábí mokotongod sin sia in inuboḷan.

DANIEL 11:35

Tongosilai nongkon itoi mita inta mobijaksana in koḻimodanbí, táe tua in mobaḻíbí totungkuḷ kon umat modapot in mosia mobaḻí modarit. Tua in mobaḻíbí modapot in singgai tumi, singgai inta ain sinantú i Allah.

DANIEL 11:39

Sia in momiḻíbí kon intau mita inta mosumba kon dewa ibanea mako, sin monubu kon tondok dinding mita inta moropot. Ki ine in mosumba kon i dewa tatua yo ogoianneabí in kahoromatan moḷoben bo ḷoḻitúan inta moḷantud bo butá nobaḻí tondannea.

DANIEL 11:7

Diá noonggot kon tua, intau tobatú inta ginaḷum i adí bobay in datu tatua in mobaḻí datu. Sia in monububí kon tontara in datu kon butá in utuan, monubu kon dinding tondoknea bo poḷat monaḷow kon inia.

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

DANIEL 12:9

Sia in notubag, “Bayádon in tanaa mako, Daniel, sin tosingogon mita tanaa in mustibí bunion bo diá motaau poguman modapot kon singgai tumi.

DANIEL 8:17

Bo ki Gabriel inta sinimindog kon tayowonkumai tatua dinimiug kon inakó. Akuoi in inangoiandon totok in ondok, dá noumpag in akuoi. Guman i Gabriel kon inakó, “Ei intau mato-matoi, mustibí kotaauanmu kon oontongon tatua in mopoontongbí in inta mobaḻí kon singgai tumi.”

HABAKUK 3:14

Piot-Mu mita noiḷambai kon itoi in tontara in musung kon tungkuḷ in tontaranea namangoi ná koropot in deḷang, sinbá kami in porariton. Mosia in kinumosing takin ḷunganga in gina naonda bo intau inta umado-adop mondorot kon intau inta bogá.

ZAKHARIA 9:14

Ki Tuhan in mokipogontongbí kon umat-Nea, naonda bo kilat in piot-Nea mita pinoḷutam-Nea. Ki Tuhan Inta Totok in moḷantud in mogirupbí kon torompet tomponuot monubu bo mayá kon bonu in deḷang nongkon toḷatan.

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.

WAHYU 9:16

Pinotaaudon kon inakó kon doyowa nogatut nojuta in kobayong in tontara inta sinumakoi kon kabaḷo.