DANIEL 11:25 - Alkitab Singog In Mongondow Masa In Tanaa

²⁵ Onda intua mobaranidon totok in sia in mogoiní kon intau mobayong sin baḻíon tontara sin monubu kon datu in butá in toḷatan inta ain nosadia domandon monayow kon inia takin tontara inta moropot bo mobarong totok. Táe ki datu in butá in toḷatan diábí mokotongod sin sia in inuboḷan.

DANIEL 11:25 Iomraidhean Croise

AMSAL 15:18

Intau inta motoyong tumorú mokopomuká kon bobayowan, intau inta mosabar modia kon dodamean.

AMSAL 28:25

Tongá morai kon kopontingan tontaní in mokopomukábí kon bobayowan; mountu-untungbí in iko aka mopirisaya kon i Tuhan.

DANIEL 11:10

Bo ki adí ḷoḷaki mita i datu kon butá in utuan in monouḷutdon sin moparang bo inoinínea in intau mobarong sin baḻíon tontara. Tobatú kon sigad monia tua in monubu naonda bo ḷunud. Kon ponubuan induanea sia in monubu kon dinding tondok in musung.

DANIEL 11:2

Bo onu inta pogumanku kon inimu in totuubí.” Malaekat tatua in noguman, “Toḷu in datu ibanea in momarenta kon Persia, dinuduian in datu inta inggopatnea inta mooyu-oyúon nongkon inta ibanea. Kon dodai in moḷantudon totok in kawasa bo kaoyúonannea, sia in mopoyogintayowdon in ropotnea takin dodatuan in Yunani.

DANIEL 11:40

Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.

DANIEL 11:5

Datu in butá in toḷatan in mobaḻíbí moropot. Táe tobatú kon sigad in itoi in tontaranea, in moropo-ropotbí nongkon inia, bo sia in momarenta kon dodatuan inta moḷobe-ḷoben nongkon tua.