DANIEL 11:18 - Alkitab Singog In Mongondow Masa In Tanaa

¹⁸ Mopaḷut mako kon tua monubu in sia kon bangusa mita kon bingkí in dagat, bo mobayong in taḷowonnea. Táe tobatú itoi kon butá in intau in mopogogaibí in singkuḻe inta inaidannea tatua, nodapotbí in motuḻí kon pinoningkuḻeannea tatua kon inia.

DANIEL 11:18 Iomraidhean Croise

ESTER 10:1

Ki Datu Ahasyweros in nomakisa kon intau mita mogaid, deemanbí tongá kon rayat inta nogutun kon bingkí in pintad inta kon bonu in dodatuan nea, táe kon butábí doman mita inta nongoyayú kon pintad.

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

YEREMIA 2:10

Bayádon pongin bingkí in dagat in Siprus kon dotá in toyopan, potabádon in intau mayá in dotá in utuan kon butá in intau in Kedar, taridiaidon kon tua kotaridion, mongo nokoimontandon in nobaḻí in natua?

YEREMIA 31:10

Ki Tuhan in noguman, “Indongogai ei bangusa mita! Potaaudon in koyow-Ku modapot kon ḷoḷan in dagat Umat-Ku inta ain pinorarit-Ku in sipunon-Kubí bo biagon naonda bo gombala moḷukad kon dombanea.

YEHEZKIEL 27:6

Bobotoimu mita in pinomia nongkon pangkoi mita in kayu moḷoben kon Basan. Taḷogmu in pinomia nongkon kayu ḷokuyú, nongkon ḻibuton in Siprus, ḷambánea in pinomia nongkon gading inta nomahaḷ.

HOSEA 12:14

Ki Tuhan in nopotabá kon nabi tobatú sin modia kon intau in Israel ḷumuai kon nongkon pinononggataan kon Mesir, bo moḷukad kon i monia.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

MATIUS 7:2

Sin naonda in pohohakimmu kon intau ibanea, tua doman in pohakim kon inimu.

HAKIM MITA 1:7

Guman i Adoni-Bezek, “Koḻipod in pitu nopuḷú in datu inta pinongkóanku kon ki iná in ḻima bo sioḷ monia, bo binió-biókudon mako in mosia nokaan kon ki agat in kaanon inta noḷabú nongkon mejaku. Tanaa in ki Allah nopoaidon kon inakó ná onu inta pinopoaidku kon i monia.” Noiduduimai kon tua ki Adonia-Bezek dinia pinobayá in Yerusalem, bo kon tuadon in kinopatoiannea.