DANIEL 11:16 - Alkitab Singog In Mongondow Masa In Tanaa

¹⁶ Datu in butá utuan tatua in mogaidbí podudui in ibognea bo diá bidon in moḷawang tongopiḻikmai. Bo ḻitúannea bidon in butá inta mopia tatua bo kawasaannea komintan.

DANIEL 11:16 Iomraidhean Croise

YESAYA 8:8

Mosia in momuntag kon Yohuda naonda bo ḷunud modapot in sigogow bo monaḷom kon bayongan in yagi-yagi.” Ki Allah in kotaki-takin naton! Koḻikip-Nea inta nobuká moḷukad kon butá naton.

YEREMIA 3:19

Ki Tuhan in noguman, “Israel, Akuoi in moibog motarima kon inimu mobaḻí ki adí-Ku, bo mobogoi kon inimu in butá inta mokosanang, butá inta totuu mopia kon sinangkub in dunia. Ibogon-Ku iko in monangoi kon i-Nakó ki Amá, bo diádon moḷagui bui kon i-Nakó.

DANIEL 11:3

Onda intua momukádon in datu tobatú inta motorindog totok. Sia in momarentabí kon dodatuan inta totok in moḷoben bo mogaidbí kon onu in koibognea.

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

DANIEL 11:41

Nodapotbí in butá inta mopia in tubuonneabí doman, bo puḷúan ribu in intau ḻimodonnea. Táe dodatuan mita in Edom, Moab bo tonsilai inta totok in moponting nongkon dodatuan in Amon in mosaḷamatbí.

DANIEL 11:45

Noidapotbí in sia moposindog in ḷoḷaigan in dodatuannea kon sigad in dagat bo buḷud tampat in Baḷoi Tuhan. Táe onda intua matoi in sia bo diábí tobatúmai in intau in motuḷung kon inia.”

DANIEL 5:19

Totuu moḷoben in sia, nodapot in intau mita nongkon bayongan in bangusa, inanakan, bahasa, mourot bo moondok kon inia. Aka moibog in sia moḻimod kon intau, ḻimodonneabí doman mako in intau tatua. Aka moibog in sia moposaḷamat kon intau, dá posaḷamatonneabí doman in intau tatua. Sia in mopoḷantud andeka mopoompá kon i ineka podudui in ibognea.

DANIEL 8:4

Inontongku in domba koḷakian tatua nonungoi ná dotá in toyopan, utuan bo toḷatan. Diá tobatúmai in mahaḷuk in mokotahang tumayow kon inia andeka mokoḷagui nongkon kawasanea. Sia in mogaid kon onukabí in koibognea bo nobaḻí moḷoḷatú.

DANIEL 8:7

Sinaridiku sia in nondangat kon domba koḷakian tatua. Totok in sinumorú in sia dá nondangat kon domba koḷakian tatua bo nomutoḷ kon tungoinea doyowa. Domba koḷakian tatua diá nokopongonu in nonayow kon inia. Noigambat in sia kon butá bo totok in iruntai, bo diá tobatúmai in intau in mokotuḷung kon inia.

DANIEL 8:9

Nongkon tungoi tobatú nomukádon in tungoi nointok, inta nobaḻí totok in noḷoben bo kawasanea iḷumoben nopobayá ná toḷatan, ná pomukaan bo nopobayá ná butá inta nopia.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.