DANIEL 11:1 - Alkitab Singog In Mongondow Masa In Tanaa

¹ Siabí inta pinotabá mobantung bo moduḷu kon inakó kon taong imitánea kon pinomarentaan i Darius intau in Media tatua.

DANIEL 11:1 Iomraidhean Croise

MAZMUR 103:20

Dayowdon in ki Tuhan, ei malaekat-Nea mita inta mongotorindog, inta nokidongog bo nopoaid in onu inta pinoki aid-Nea.

DANIEL 10:18

Dá komintanpa doman sia in noḻiai kon inakó, bo kinorasaanku kon nodugangdon in ropotku.

DANIEL 6:1

Naonda in ki Belsyazar kinoḻimodan, ki Darius intau in Media nogagow kon dodatuan. Kon dodai intua sia umurdon onom nopuḷú bodoyowá notaong.

DANIEL 9:1

Kon taong imitánea kon pinomarentaan i Darius intau in Media, ki adí ḷoḷaki i Ahasyweros kon dodatuan in Babel, akuoi ki Daniel, in nobacamai kon buk mita in agama. Akuoi in nonano-nanobmai kon podudui in tosingogon i Tuhan kon i Nabi Yeremia, kotá in Yerusalem in tantúbí nogoguyaat mako in kon bonu in pitu nopuḷú notaong.

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”