DANIEL 10:6 - Alkitab Singog In Mongondow Masa In Tanaa

⁶ Awaknea in mopouḻi-uḻinag naonda bo permata, pogotnea in ná kobayag in sindar in kilat, bo matanea in mopodoko-dokot naonda bo tuḷú. Kokaḷ bo sioḷnea in mopouḻi-uḻinag naonda bo bitú inta iradatan, bo singognea in kodongogan naonda bo singog in intau mobarong.

DANIEL 10:6 Iomraidhean Croise

IḶUAIAN 28:20

Kon pipid noginggopat in batu pirus, yakut bo ratna cempaka. Batu permata mopuḷú bo doyowa tatua musti togoton in buḷawan.

DONDONG MOḶANTUD 5:14

Ḻimanea moropot, nogisising in buḷawan inta iḷambáan in permata, awaknea naonda bo uwaḷa in gajah inta sinabudan in batu nilam.

YEHEZKIEL 1:14

Mahaḷuk mita tatua tontaní in mayá magí-mako ná koḻikat in kilat.

YEHEZKIEL 1:16

Roda opat tatua in notombatangan bo mopouḻi-uḻinag naonda bo batu permata, bo kon batúannea oyúon doman in rodanea ibanea, inta noibandai kon yua-yuaknea.

YEHEZKIEL 1:24

Aka ḷumayug in mosia, yo kodongoganku in singog in ḷayugannea; singognea in naonda bo singog in tubig moitampurang, ná goḷopak in bayáan in tontara inta mobarong, naonda bo singog i Allah Inta Totok in mokawasa. Aka mogogai in mosia ḷumayug, kopíon monia in koḻikipnea mita,

YEHEZKIEL 1:7

Sioḷnea in notuḻid bo mopouḻí-uḻinag naonda bo porunggu inta inatá. Gongguyamú in sioḷnea in kokonukuan naonda bo konuku in bantong.

YEHEZKIEL 10:9

Akuoi in nokoontong doman kon kerub mita tatua kon batúannea oyúon in roda tobatú kon sínea. Roda opat tatua in notombatangan, bo mopouḻi-uḻinag naonda bo permata mogaga. Kon batúannea oyúon in roda tobatú ibanea inta noibandai kon yua-yuaknea.

YEHEZKIEL 40:3

Akuoi in dinia-Nea kon tua bo inontongku in ḷoḷaki tobatú inta mopouḻi-uḻinag naonda bo porunggu sinimindog kon diug in bonawang. Nokadai mako in sia kon tontogot pogogukur nongkon linen bo kayu pogogukur.

YEHEZKIEL 8:2

Iḷumangag in akuoi bo inontongku in ná batangan in intau. Nongkon ogotannea bo namonag koontongan sia in ná tuḷú, bo nongkon ogotannea bo namonik in koontongan mopouḻi-uḻinag naonda bo porunggu inta inatá.

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

MATIUS 28:3

Pogot in malaekat tatua mopouḻi-uḻinag, ḷambungnea in nobudó totok naonda bo salju.

LUKAS 9:29

Wakutu in ki Yesus yogot nosambayang kon tua, indoianmai yo pogot-Nea in nobaḷui bo ḷambung-Nea in nobaḻídon nobudó mopouḻi-uḻinag.

WAHYU 10:1

Bo akuoi in nokoontong kon tobatú malaekat ibanea inta moroton noponag nongkon soroga. Sia inoḻiungan in goḷom bo kinobandowan in aḻibobag. Pogotnea in naonda bo mata in singgai, sioḷnea in naonda bo oigi tuḷu.

WAHYU 19:12

Matanea in naonda bo dokot in tuḷú, bo kon uḷunea pinakéan in mahkota mobayong. Kon awaknea pinaisan in tangoi, bo tongábí sia in nonotaau kon tangoi tatua.

WAHYU 2:18

“Paisdon kon malaekat in jamaat inta kon Tiatira, paisdon nanaa: Nanaa in koyow nongkon Adí i Allah inta mata-Nea moyongkit naonda bo tuḷu; bo sioḷ-Nea in naonda bo tambaga sinubá.

WAHYU 21:20

Iḻimanea nongkon batu baiduri sepah, inggonomnea in nongkon batu delima, impitunea in nongkon batu ratna cempaka, iwaḷunea nongkon batu pirus, insiownea nongkon batu topas, impuḷúnea nongkon batu krisopras, impuḷú bomitánea in nongkon batu lazuardi, bo impuḷú bodoyowánea in nongkon batu kecubung.