DANIEL 10:2 - Alkitab Singog In Mongondow Masa In Tanaa

² Kon dodai intua akuoi in koyogot in nopuasa toḷu nodiminggu notompod.

DANIEL 10:2 Iomraidhean Croise

NEHEMIA 1:4

Nokodongogmai kon habar tatua, iḻimitú in akuoi bo nongombaḷ. Tongonumai nosinggai norobonoḷ totok in ginaku. Akuoi in umuran mopuasa poḷat mosambayang kon i Allah,

MAZMUR 42:9

Igumon mako ki Tuhan mopoontong in tabi-Nea kon tungkuḷ in singgai, sinbá kon tungkuḷ in doḷom mokopodondongdon in akuoi, bo mosambayang kon i Allah pangkoi in kobiaganku.

MAZMUR 43:2

Ikobí in ki Allah moḷoḷukadku; nongonu sin taḷaan-Mubí in akuoi? Nongonu sin akuoi in umuranbí mobaba kon roriga popisí in doroton in musungku mita?

YESAYA 66:10

Poḷungangadon moyotakin in Yerusalem, ei bayongan in intau inta motabi kon inia. Moiko inta nonogumatoi popisí in sia, tanaa in motaaudon morame moyotakin.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

DANIEL 10:12

Bo gumannea kon inakó, “Daniel, dika moondok. Ki Allah in nokidongogdon kon sambayangmu pinangkoi kon singgai muna iko nonantú kon nopoompá kon inimu tontaní sinbá mobaḻí mobijaksana. Akuoi in namangoidon nobaḻí tubag in sambayangmu.

MATIUS 9:15

Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

SURAT I PAULUS KON JAMAAT RUM 9:2

Totok moajar bo mororiga in ginaku

YAKOBUS 4:9

Musti in moiko totu-totuu momanasaḷ bo mongombaḷ poḷat mogamui; kosingmu in baḻídon ombaḷ bo ḷungangamu in baḻídon ajar in gina!

WAHYU 11:5

Aka oyúon in intau monungkuḷ mogaid kon inta diá mopia kon i monia, dá ḷumuaidon in tuḷu nongkon bibig monia bo tua in momokak kon saturu mita tatua. Dá natua in daḷan kopopatoi in intau mita inta mogaid kon inta diá mopia kon i monia.