DANIEL 10:17 - Alkitab Singog In Mongondow Masa In Tanaa

¹⁷ Akuoi in naonda bo bobantung tobatú inta sinimindog mako kon tayowon i tuangnea. Naondabí in pongongumanku kon i Tuang? Ropotku in nodaitdon bo mosisí in poginaanku.”

DANIEL 10:17 Iomraidhean Croise

IḶUAIAN 33:20

Pogot-Ku in diábí poontong-Ku kon inimu, sin diábí motaau intau in mokoontong kon i-Nakó, bo umuran mobiag.

DANIEL 10:8

Akuoi in sinaḷáan aku-akuoi mita, sindaḷan nonaridimai kon oontongon inta nokotaḻikokog tatua. Akuoi in diádon kodaya bo pogotku i inimilaidon totok.

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

MARKUS 12:36

Bokaka ki Daud tontaní kon dodai in kinawasa in Roho i Allah – noguman, ‘Ki Tuhan nogumandon kon i Tuhanku: ḻitúdon kon dotá in koḷanan-Ku modapot in potungkud-Ku in bayongan saturu-Mu.’

YOHANES 1:18

Diábí in nokoimontanmai in nokoontong kon i Allah, koḻikudbí in ki Adí tuḷong i Amá, inta notongkai i Amá bo modagin totok kon i-Nia. Kon i-Nia tuata moniata kon i naton in ki Amá.

HAKIM MITA 6:22

Dá kinomangaḻeandon i Gideon kon inta namangoi kon inia tua in malaekatbí i Tuhan tontaní. Dá takin ondok nosingogdon in ki Gideon, “Moboditodon in akuoi, o Tuhan Inta Totok in Moḷantud! Sin akuoi in noyodungkuḷdon noyopogot mako in malaekat-Mu!”