DANIEL 10:1 - Alkitab Singog In Mongondow Masa In Tanaa

¹ Kon taong intoḷunea kon pinomarentaan i Datu Koresh kon Persia, koyow tobatú pinoniata kon i Daniel inta dinonoi doman ki Beltsazar. Koyow tatua in totuubí, táe mororiga totok komangaḻean. Kon dodai in moḷongasi momangaḻe kon tua ki Daniel in notarima kon insilang soaḷ mangaḻe in koyow tatua kon bonu in tobatú oontongon.

DANIEL 10:1 Iomraidhean Croise

KINOBAḺIAN 41:32

Togoindop i Tuang tua kodua nobaḻí, tua in mangaḻenea kon soaḷ tatua aindon sinantú i Allah bo ḷagidon aidan i Allah intua.

TAWARIKH 2 36:22

Kon taong imitánea kon pinomarentaan i Kores, datu in Persia, Ki Tuhan in nogaidon kon onu inta pinoguman-Nea pinongin i Nabi Yeremia. Ki Tuhan in nopogonú kon gina i Kores sinbá mopoḷuai in parenta tobatú inta bacaan kon bayongan in dodatuan nea. Nanaa in singognea:

EZRA 3:7

Rayat in nobogoidon in doit sin ponondan kon bas mita in batu bo mogogimok mita kon kayu. Mosia in nokidia doman in kaanon, oinumon bo ḷana in zaitun kon kotá mita in Tirus bo Sidon sin ponoḻiu kon kayu ḷokuyú in Libanon nongkon kotá mita tatua. Kayu tatua in dinia kon Yapo pinongin dagat. Tua komintan inaidan in rayat pinodoyon kon parenta i Kores, datu in Persia.

EZRA 4:3

Táe ki Zerubabel, ki Yesua bo tongguḷu mita in inanakan tatua in notubag, “Kami in diápabí moparaḷu kon totuḷung i utat mita in moposindog in baḷoi kon i Tuhan Allah nami. Kami in moposindogbí tontaní podudui in parenta i Kores, datu in Persia, kon inami.”

EZRA 4:5

Mosia in nobogoi in doit kon intau mita moḷoben kon pomarentaan in Persia sinbá monginggamá kon tomayá in intau mita in Yahudi tatua. Tua komintan umuran nobaḻí kon tungkuḷ in pinomarentaan i Datu Kores nodapot kon pinomarentaan i Datu Darius.

EZRA 6:14

Binantungan i Nabi Hagai bo i Zakharia, itoi mita in Yahudi nongingguput kon pinogaidan kon Baḷoi Tuhan tatua. Mosia in ḷagi noginḷapat kon Baḷoi tatua podudui in parenta i Allah Israel bo i Kores, i Darius bo i Artahsasta, datu mita in Persia tatua.

EZRA 6:3

“Kon taong imitánea kon pinomarentaan i Datu Kores, sia in nopoḷuai in parenta sinbá Baḷoi Tuhan kon Yerusalem posindogondon bui mobaḻí tampat in intau modia kon sosumba bo motubá kon kuruban. Koḷantud in Baḷoi tatua in mustibí 27 nometer bo kooḷadnea in musti doman 27 nometer.

YESAYA 44:28

Akuoibí inta noguman kon i Kores, ‘Ikobí inta momarenta sin kopontingan-Ku, bo mogaid kon bayongan inta kinoibog-Ku. Parentadon sinbá Yerusalem posindogon bui, bo Baḷoi Tuhan aidandon in kinodoyonannea.’ ”

DANIEL 1:17

Ki Allah in nobogoi kon inaya opat in hikmat bo kototaau kon noyagi-yagimai in pais. Koḻikud intua ki Daniel inogoian doman in pandoi moginsilang kon mangaḻe in oontongon bo togoindop.

DANIEL 1:21

Ki Daniel in umuranbí nopobayá in oaidan nodapot kon i datu Koresh nongkon Persia nopotungkud in Babel.

DANIEL 1:7

Tongguḷu in motoḷuadí in komaḻig nomaḷui kon tangoi mita monia nobaḻí: ki Beltsazar, ki Sadrakh, ki Mesakh bo ki Abednego.

DANIEL 10:14

Akuoi in namangoi sin mopobaḻí kon inimu momangaḻe kon onu inta mobaḻí kon singgai moiduduimai kon bangusamu. Oontongon tanaa in soaḷbí singgai moiduduimai.”

DANIEL 11:2

Bo onu inta pogumanku kon inimu in totuubí.” Malaekat tatua in noguman, “Toḷu in datu ibanea in momarenta kon Persia, dinuduian in datu inta inggopatnea inta mooyu-oyúon nongkon inta ibanea. Kon dodai in moḷantudon totok in kawasa bo kaoyúonannea, sia in mopoyogintayowdon in ropotnea takin dodatuan in Yunani.

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

DANIEL 12:9

Sia in notubag, “Bayádon in tanaa mako, Daniel, sin tosingogon mita tanaa in mustibí bunion bo diá motaau poguman modapot kon singgai tumi.

DANIEL 2:21

Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

DANIEL 4:8

Imbuitnea namangoidon in ki Daniel inta dinonoi doman ki Beltsazar naonda bo tangoi in dewaku. Ki Daniel in kinawasaan in dimukud in dewa mita inta motusi. Inoumanku doman kon inia in togoindopku, kon inakó,

DANIEL 5:12

Sia diá in poḻiuan kopopandoi bo kobobijaksana bo motaau domandon totok in moginsilang kon mangaḻe in togoindop, mobuká kon onu inta noibuni bo moguman kon onu mita inta mororiga raion. Tangoinea in ki Daniel, táe dinonoi i datu ki Beltsazar in sia. Oiní in sia. Sia in mopotaaubí kon i Tuangku onu in mangaḻe in pais tatua.”

DANIEL 5:17

Ki Daniel in notubag, “Ki Tuang in diábí paraḷu mobogoi in tombuinag mita tatua kon inakó, ogoidon intua kon intau ibanea. Bacaankubí in pais tatua kon i Tuangku poḷat mopotaau in mangaḻenea.

DANIEL 6:28

Sia in moposaḷamat bo mopoḷuat, mogaid kon mujizat bo inta mokoherang pinomayá kon ḷangit andeka kon butá. Ki Daniel in pinosaḷamat-Neadon, nongkon konuku in singa mita.”

DANIEL 8:16

Dinongogku in singog inta nomaḷú nongkon ḷoḷan in Ongkag in Ulai, kainia, “Gabriel, insilangaidon kon inia in mangaḻe oontongon tatua.”

DANIEL 8:26

Oontongon soaḷ kuruban muḷoi in ḷoḷabungnea bo muḷoi in doḷo-doḷom inta ain ininsilangan kon inimu tatua, in totu-totuubí kon mobaḻí. Táe tua komintan in mobaḻíbí kon singgai moiduduimai inta moonggotpa; dá dikadon oumanon kon i ineka.”

LUKAS 1:20

Habar inta totu-totuu kon mobaḻí kon wakutu inta ain sinantú i Tuhan, tongá iko bo diá mopirisaya kon singogku naa, dá iko in diádon mokosingog dapot intua komintan mobaḻí ná kain singogku.”

WAHYU 19:9

Bo malaekat tatua in noguman kon inakó, “Paisdon in naa: ‘Mosanangdon totok in intau inta inoiní mamangoi in rame ponikaan i Adí in domba tatua.’ ” Malaekat tatua in noguman doman bui kon inakó, “Habar tanaa in totu-totuubí nongkon i Allah.”