DANIEL 1:8 - Alkitab Singog In Mongondow Masa In Tanaa

^8-9 Pinodoyon kon totuḷung i Allah, ki Daniel in kinoibog bo kinotabi i Aspenas. Ki Daniel in nonantúdon kon doíbí moponajis in awaknea takin mokaan bo monginum kon anggur nongkon komaḻig in datu, tuamai in nopoigum in sia kon i Aspenas sinbá ogoiandon in kaanon ibanea.

DANIEL 1:8 Iomraidhean Croise

DATU MITA IMITÁNEA 5:5

Ki Tuhan ain nodandi nanaa kon i amáku ki Daud, ‘Ki adímu ḷoḷaki inta duíon-Ku mobaḻí datu monoḻiu kon inimu in moposindog in tampat pososumbaan kon i-Nakó.’ Manangka intua, Tuang Hiram Inta Momulia, akuoi, ki Salomo, aindon nonantú kon moposindog in baḷoi tatua.

MAZMUR 106:28

Onda intua kon Peor nosumba in mosia kon Baal, bo nokaan kon onu inta pinosumba kon dewa mita.

MAZMUR 119:106

Inta dinandiku pinodoyon kon ibot in intompodankubí, kon kumadai kon atorang-Mu inta moadil.

MAZMUR 119:115

Ei intau moraat, pokoyayúdon kon inakó! Akuoi in moibogbí tumoḷutui kon parenta i Allahku.

MAZMUR 141:4

Poyayúdon in akuoi kon ibog mogaid kon inta moraat. Dikabí pomayá mako in akuoi in moyokapung in intau moromú bo mongaan moyotakin kon bobutungan monia.

AMSAL 23:3

Dika imibo-ibog in mongaan kon mopia inta inoḷudnea, sin dikabo tongábí monungkuḷ in sia kon inimu.

DANIEL 1:5

Ki Datu in nonantú doman kon kaanon bo oinumon kon i monia in mustibí motongkai ná inta sinadia kon motoḷuadí i datu. Naonda in toḷudon notaong in potundúan kon i monia, mosia in musti mayá kon tayowon i datu sin mopobayá in oaidan kon komaḻig.

DANIEL 5:4

Koyogot in monginum mosia in sindaḷan doman modayow kon dewa mita inta pinomia nongkon buḷawan, saḷaka, bitú, kayu bo batu.

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

OUMAN IN RASUL MITA 15:20

Táe kita in momaisdon kon surat bo mononggina kon i monia, sinbá donaai in mokaan kon kaanon inta ain pinosumba kon dewa, andeka mokaan kon tapú in mahaḷuk inta sinagangan, andeka mokaan kon dugúnea. Bo bá umuran mokopoyayú in mosia kon oaid mita inta mokotor.

KORINTUS 1 7:37

Táe aka intau tatua bo mogamádon kon kaputusan kon bonu in ginanea, kon diábí tonibuḷoionnea in ki kantangnea tua sin mokotahangbí in sia in diá mobuḷoi, dá oaidnea tatua in mopiabí.

KORINTUS 2 9:7

Táe poigumonku mako moiko mobogoibí takin pia in gina, diá tongá pakisa, sin intaubí inta mobogoi takin pia in gina in kotabi i Allah.

ULANGAN 32:38

Mosia in nokaan kon ḷongó inta pinosumba monimu, bo nonginum kon anggur inta pinokuruban monimu. Oinídon in mosia mamangoi motuḷung kon i monimu, biódon mako sinbá mosia in mobaḻí pogogadopan monimu.