DANIEL 1:6 - Alkitab Singog In Mongondow Masa In Tanaa

⁶ Kon sigad in tayow mobiag mita tatua oyúon doman in ki Daniel, ki Hananya, ki Misael bo ki Azarya, komintan nongkon suku in Yohuda.

DANIEL 1:6 Iomraidhean Croise

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

YEHEZKIEL 14:20

Bo umpaka ki Nuh, ki Daniel bo ki Ayub nogutun kon tua, dá podoyon kon i-Nakó, ki Allah inta nobiag, Tuhan Inta Totok in moḷantud, mosia in diábí mokoposaḷamat kon i ineka, nodapotbí in kon i adí mita monia. Tongábí mosia tontaní in mosaḷamat popisí in aid monia inta mopia.”

YEHEZKIEL 28:3

Kainimukamai ikobí in mopando-pandoi in ki Danel, dá diá in rahasia in noibuni kon inimu.

DANIEL 1:19

Naonda in nongonguman i monia komintan, nouḻímai i datu kon ki Daniel, ki Hananya, ki Misael bo ki Azarya in noiḷontú kon tayowmobiag ibanea kon bayongan in sinotaau. Dá nomangkoidon in mosia nopobayá in oaidan kon bonu in komaḻig i datu.

DANIEL 2:17

Onu in pinoigumnea dinuduian, bo nobui in ki Daniel kon baḷoi bo nopotaau kon bayongan inta nobaḻí tatua kon i Hananya, kon i Misael bo kon i Azarya.

DANIEL 2:25

Dá ḷagidon dinia i Ariokh in ki Daniel minayá kon i Datu Nebukadnezar bo noguman, “Bobantung naa in nokouḻídon kon sigad in intau mita iḷumbú nongkon Yahudi intau tobatú inta mokopotaau kon mangaḻe in togoindop i Tuangku.”

DANIEL 5:13

Dá ḷagidon dinia kon tayowon i datu in ki Daniel. Bo ki datu in noḻibódon kon inia, “Iko degá in ki Daniel, intau in Yahudi inta iḷumbú, inta ain dinia i amáku nongkon butá in Yohuda?

DANIEL 6:14

Bo mosia in noguman kon i datu, “Ki Daniel, intau tobatú inta iḷumbú nongkon Yohuda, diábí nopandungmai kon i Tuangku bo nopoompábímai kon parenta i Tuangku. Sia in nosambayang notompod kotoḷu in tosinggai.”

MATIUS 24:15

“Moiko in mokoontongbí kon ‘aid moraat inta mokorimumud’, ná inta pinoguman i Nabi Daniel, simindog kon tampat motusi. (Paraḷu indoian in intau mita inta mobaca: tarukira totok in mangaḻenea!)

MARKUS 13:14

“Moiko in mokoontong kon ‘Oaid moraat inta mokorimumud’ simindog kon tampat inta poton sindogan. (Tarukiradon onu in mangaḻenea!) Kon wakutu intua intau inta kon Yudea, musti moḷagui mopobayá in buḷud.