AYUB 9:5 - Alkitab Singog In Mongondow Masa In Tanaa

⁵ Ki Allah in momamping kon buḷud takin diábí kotaa-taauanmai in intau, bo mopokaḻintuang pongin torú bo rogi.

AYUB 9:5 Iomraidhean Croise

AYUB 26:6

Kon tayowon i Allah, dunia in intau minatoi nobukat, diá noioḻingoi dá koontongan-Nea.

AYUB 28:9

Intau in mongaḻi kon bonu in batu inta motogat totok, kinokainea in buḷud nodapot kon gantognea.

AYUB 34:25

Sin, kinotaauan-Nea onu in inaidan monia; dá dinudú-Nea bo irimumud in mosia kon dodai in doḷom.

AYUB 40:11

Indoiaidon in mosia inta mododia in ginanea; poḷuaidon in torúmu bo poompádon in mosia.

AYUB 41:11

Ki ine in mokobaḻí monayow kon inia bo diá tompaḻían? Kon dunia naa diábí in mokoaid kon natua.

MAZMUR 114:6

Nongonu sin mosimbananbí in moiko ei buḷud mita, bo morotayok in moiko ei tombuḷud mita?

MAZMUR 46:2

Ki Allah in mogogoḻingoi bo pangkoi in ropot naton; Sia in umuranbí taḷaoḷat bo mokotuḷungbí kon bonu in yoyiga.

MAZMUR 68:8

O Allah, kon tungkuḷ in kinapit-Mu in umat-Mu minayá nongin rawang inta noingkag,

YESAYA 40:12

Ki ine in mogukur kon baḷangon takin mopomaké in ḷogú in ḻimanea, andeka mogukur kon ḷokutoi momaké in yangow? Ki ine in mogukur kon butá in dunia naa takin simbangan andeka monimbang kon buḷud bo tombuḷudnea mopomaké in simbangan bambéon?

NAHUM 1:5

Buḷud mita mourot in kon tayowon-Nea; bo tombuḷudpa in notatomdon komintan. Aka ki Tuhan mamangoi, butá in moḷundan, dunia bo bayongan inta nogutun kon bonunea in mourot.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

HABAKUK 3:10

Nokoontongmai kon ini-Mu, buḷud mita in nodandú nongkon ḷangit noḷabú in uyan naonda bo pinopobutak. Tubig kon ḻimonag in butá moboḷontung in singognea, bokoḷnea in molitodanmai bo monomburá.

HABAKUK 3:6

Aka Iko tumogon, moḷundan in butá; aka Iko mobobui, yo modoḻiok in bangusa mita. Buḷud mita inta mononoi in mobota-botak; tombuḷudpa mita inta mononoi in umompábí doman, kon tombuḷud mita tatuata Iko in mayá nongkon dungkuḷpabímai.

ZAKHARIA 4:7

Ḷonggai nákabí koḷoben in buḷud yo moigambatbí nongkon tayowonmu. Iko in buibí moposindog in Baḷoi-Ku, bo kon dodai in iko mogukat kon batu dungkuḷ kon tampatnea, intau mita in momaḷúdon, ‘Totuu mopia ah!’ ”

MATIUS 21:21

Ki Yesus notubag kon i monia, “Poguman-Ku kon i monimu, aka moiko bo totu-totuu mopirisaya bo diá mohawatir, yo moiko in deemanbí tongá motaau mogaid kon ná inta pinomia-Ku kon pangkoi in ara tatua, táe moiko motaaubí doman moguman kon buḷud tanaa, ‘Pobuatdon nongkon tampatmu tanion bo koḷabúdon kon bonu in dagat’; yo mobaḻíbí doman intua.

MATIUS 27:51

Bo indoiainmai, gorden in Baḷoi Allah nobisik nosilai doyowa nongkon ḻimonikannea nodapot in ḻimonagannea. Bo dinandúan bo buḷud mita in batu nongobotak.

LUKAS 21:11

Kon bayongan tampat mobaḻí in yagi-yagi. Ḻinug inta moropot totok, malarat moḷoben bo panyaki mita. Kon ḷangit mobaḻí in soaḷ mita inta totok in mokodoit.

KORINTUS 1 13:2

Bo umpakabí in akuoi in mopandoi mopoyaput in Habar Mopia nongkon i Allah bo motaau doman totok in soaḷ mita inta nongoibuni, ande nonotaau kon bayongan yagi-yagi bo mopirisaya doman totok kon i Allah, sahingga in motaau mopopamping in buḷud, táe aka diá in tabiku kon tumpaḷa intau, yo diábí in mangaḻe in kobiaganku!

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.

WAHYU 6:14

Ḷangit in kinimiot naonda bo karatas inta iḻitod. Bayongan in buḷud bo pulau nodait pinamping nongkon tampatnea mita.