AYUB 9:21 - Alkitab Singog In Mongondow Masa In Tanaa

^21-22 Akuoi in diábí kotaḷá, táe diábí pandungonku. Mobúdon in akuoi in mobiag. Aka kon inakó yo diádon in moponting; inta kotaḷá bo inta mobanar, notongkaibí in kobiagannea: Tumpaḷabí yopúon i Allah in taya dua.

AYUB 9:21 Iomraidhean Croise

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 12:4

Akuoi naa in kinosingan in yobayat bo totakin, bokaka akuoi naa in nobanarbí bo diábí in taḷá. Dungkuḷmai sinubagan i Allah in sambayangku, aka akuoi mokuani mokituḷung.

AYUB 13:18

Nosadia bidon in akuoi mopotaau in pelekaraku; moyakinbí in akuoi, diábí in akuoi motaau potaḷáan!

AYUB 33:9

Iko in noguman, ‘Akuoi in nodarit, diábí in aidku noiḻimpat. Diábí in nokotor bo diábí nogaid kon noitaḷá.

AYUB 6:9

Igumon mako moibog in ki Allah morimumud kon inakó! Igumon mako Sia momongkug bo moḻimod kon inakó!

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

AYUB 9:15

Umpaka akuoi diá kotaḷá, onu in dayaku, koḻikud in mopoigum in totabi kon i Allah hakimku?

AMSAL 28:26

Ki ine in mopongata in raiannea tontaní, diábí koraian mopia. Ki ine in dumudui kon totundú in intau mobijaksana mosaḷamatbí.

KORINTUS 1 4:4

Iraikumai, diábí kon dodai in onda akuoi in nogaid kon inta diá mopia, tongá tua in deemanbí bukti kon diá kotaḷá in akuoi. Sin tongábí ki Tuhan in motaau monantú kotaḷá andeka diá.

YOHANES 1 3:20

Kinotaauandon naton, kon aka kita bo potaḷáandon in gina naton, yo ki Allahbí in mopando-pandoi nongkon gina naton, bo kinotaauan-Neabí in bayongan yagi-yagi.