AYUB 9:10 - Alkitab Singog In Mongondow Masa In Tanaa

¹⁰ Diá komangaḻean naton in bayongan in oaidan-Nea, diábí in kita mokoiap kon aid-Nea mita inta mokoherang.

AYUB 9:10 Iomraidhean Croise

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 37:5

Pinodoyon in parenta i Allah, dá nobaḻí in mujizat, inta mokoherang mita inta diá kinotaauan naton.

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

MAZMUR 136:4

Tongábí Sia in mogaid kon inta mokoherang mita moḷoben; tabi-Nea in umuran mononoi.

MAZMUR 145:3

Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

MAZMUR 71:15

Kinoouput in singgai oumanonkubí in oaidan-Mu mita inta moadil, bo kasaḷamatan nongkon ini-Mu inta diá koiapan.

MAZMUR 72:18

Dinayo-dayowdon in ki Tuhan, Allah in Israel! Tongábí Sia in mogaid kon inta mokoherang mita.

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.