AYUB 8:8 - Alkitab Singog In Mongondow Masa In Tanaa

⁸ Intau moarip tungkuḷ intua musti indoianmu, bo tano-tanobonmu in pongalaman in mogoguyang.

AYUB 8:8 Iomraidhean Croise

TAWARIKH 2 10:6

Bo nopoigum in ki Rehabeam in tonggina kon guyanga mita inta nokoimontandon in nobaḻí monononggina i Salomo ki amá i Rehabeam, “Naonda degá in pototubagku kon intau mita tatua?” iḻibó i Rehabeam. “Aka kon i monimu yo naonda?”

AYUB 12:12

Habarnea, hikmat in oyúon kon intau inta noonggotdon in kinobiagannea, táe hikmat bo ropot in tongábí oyúon kon i Allah. Kai monia in komomangaḻe in oyúon kon intau inta noonggotdon in kinobiagan, tongá komomangaḻe bo hak in tongábí oyúon kon i Allah!

AYUB 13:1

Bayongan intua nokoimontandon inontong bo dinongogku tontaní, bo totu-totuubí kinomangaḻeanku.

AYUB 15:10

Hikmat tanaa in nouḻí nami nongkon intau inta ain uba-ubanan; mosia in oyúondon kon dodai in ki amámu pinononggadí!

AYUB 15:18

Onu in sinundú in intau moarip kon inakó. Totundú tatua in sinarimanea nongkon mogoguyangnea bo iningguputan takin diá in ginaatan kon buínea.

AYUB 20:4

Táe kinotaauanmu degá kon nongkon dungkuḷpabímai totok, pinangkoipa kon intau muna pinoḻitú kon dunia,

MAZMUR 44:1

Mazmur in inanakan i Korah. Dondong topotundú. Kon i itoi in mododondong.

YESAYA 38:19

Tongábí intau nobiag in modayow kon ini-Mu, ná inta inaidanku singgai in naa. Guyanga in mongonguman kon i adínea kon totuubí kon mosatia totok in Iko, o Tuhan.

YOËL 1:2

Indongogaidon, ei guhanga mita in ḻipú; taridiaidon, ei bayongan intau in Yohuda. Nokoimontandon degá in ná tanaa in nobaḻí kon singgai kinobiaganmu, andeka kon dodai in mogoguyangmu?

SURAT I PAULUS KON JAMAAT RUM 15:4

Bayongan inta pinais kon Buk Motusi, tua in makusudnea motundúbí kon inaton. Sin totundú inta sinarima naton nongkon Buk Motusi nokodugang kon kototahang bo kororopot in gina naton, dá kita in umuran moharap kon i Allah.

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

ULANGAN 32:7

Toropdon in singgai muna, taridiaidon in singgai mita tungkuḷ intua. Ḻibódon kon guyangamu, sinbá mosia in mopotaau kon inimu.

ULANGAN 4:32

Tarididon in singgai koḷabung, kon dodai in moiko diápa pinononggadí, pinangkoi kon singgai kon wakutu in ki Allah nomia kon intau kon dunia naa. Tayakdon kon bayongan dunia. Dodaibí in onda in soaḷ inta motoyang tua nobaḻí? Dodai in onda in oyúon in intau inta nokodongog kon soaḷ onu inta nobaḻí ná tatua?