AYUB 8:7 - Alkitab Singog In Mongondow Masa In Tanaa

⁷ Kaoyúonanmu inta nobuḻi tua in diábí in mangaḻenea poyotongkaionmai kon onu in inta bain bui mouḻímu.

AYUB 8:7 Iomraidhean Croise

AYUB 42:10

Onda intua, naonda in sinambayangan i Ayub in yobayatnea taya toḷu, binaḻí i Tuhan in sia nooyúondon totok bo nobogoi bui kon inia kodua in bayongnea nongkon bayongan in kapunyaannea inta dungkuḷ.

AYUB 5:11

Siabí in ki Allah inta nopoḷantud kon intau inta moompá in dodia, bo moposanang kon intau inta noyoyiga.

AYUB 8:8

Intau moarip tungkuḷ intua musti indoianmu, bo tano-tanobonmu in pongalaman in mogoguyang.

AMSAL 19:20

Aka iko moibog mobalajar bo mokidongog kon tonggina, yo kon singgai moiduduimai iko in mobaḻí intau inta kohikmat.

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

ZAKHARIA 14:7

Kon singgai tatua diá bidon in mosindip. Singgai in umuran bidon mobayag, natuabí doman kon dodai in doḷom. Táe tongábí ki Tuhan in nonotaau mongo toonu in koangoian in singgai tatua.

MATIUS 13:12

Intau inta oyúondon kon inia in duganganbí ogoian, sinbá sia in mokouḻí kon moiḻiu in kobayongnea. Táe intau inta diá in kon inia yo onupa inta kon inia yo daitondon gamáan.

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

PETRUS 2 2:20

Intau inta nonotaaudon kon i Tuhan bo kon i Mopoposaḷamat naton ki Yesus Kristus, yo sia tua in noipilatdon nongkon kawasa mita in dunia naa inta mokokotor kon intau. Táe onda intua sia in buidon nogaid kon inta moraat, dá oaid in intau tatua in moiḻiu bidon totok kon koraatnea inta muna.