AYUB 8:13 - Alkitab Singog In Mongondow Masa In Tanaa

¹³ Natuata in intau inta diá kotuhan. Sia in nokoḻiong kon i Allah, dá nobuḻidon in kamang.

AYUB 8:13 Iomraidhean Croise

AYUB 11:20

Táe intau moraat in moindoibí takin motoboḻingo, sin kon i monia in diábí in totuḷung. Totobatú in kamang monia tuata in popatoi ḷagidon moiangoi.”

AYUB 13:16

Degá popisí in baraniku tatua mosaḷamat in akuoi, tuamai intau moraat in diá mokobaḻí tumayow kon i Allah!

AYUB 15:34

Intau inta moraat diábí mokouḻí kon bui; nodait nopokak in baḷoi inta pinosindognea nongkon onu inta inogoi pinosogó.

AYUB 18:14

Sia in inagow nongkon ḷoḷaigannea tampatnea inta moaman, bo pinogambat sin mayá tumayow kon popatoi.

AYUB 20:5

ḷunganga in intau moraat tongábí motoyong, bo kasanangan in intau moraat tongá tokokiap?

AYUB 36:13

Intau inta diá kotuhan motagú kon torú; umpaka ihukum i Tuhan, doíbí in mosia moigum kon totuḷung.

AYUB 8:12

Aka moingkag in tubignea, bumbung tua in matoibí, moiunabí kon pinomuḷa ibanea. Bokaka noḷumbápabí bo deemanpabí wakutunea, sia in pongkóon bo popobaraguna.

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

MAZMUR 9:17

Ki Tuhan in nokipogontongdon tontaní popisí in singog inta sinantú-Nea in moadil. Intau moraat noiḷosok kon aidnea tontaní.

AMSAL 10:28

Kamang in intau mopia mokopobaḻí kon inia mosanang; kamang in intau moraat diá in batainea.

AMSAL 11:7

Aka intau moraat matoi, kamangnea in matoibí domandon; mopongata in ropot tontaní in diá in mangaḻenea.

AMSAL 12:7

Intau moraat in moḷabúbí bo moyopú takin diá in paḷotnea; táe intau mopia in umuranbí moroton modapot in adí bo ompu.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

YESAYA 51:13

Umpaka dá kinoḻionganmu in ki Tuhan inta nomaḻí kon inimu inta nosongká kon ḷangit bo inta nopoukat in dodoyonan in butá? Nongonu sin kinoouput in singgai mourot in iko kon torú in monondorot inta nosadiadon momutú? Totuubí kon torú monia tua diábí kumaan kon inimu.

OMBAḶ 3:18

Diádon in kinotonsimboróanku, noinggamádon in kamangku kon i Tuhan.

MATIUS 24:51

Dá bobantung tatua in totok binout i tuangnea, bo ḷumbúonnea kon tampat in intau mita inta mongomunapik. Mosia in mongombaḷ bo mororiga kon tua.”

ULANGAN 6:12

yo ḷukadai kopiaan sinbá diá in moiko mokoḻiong kon i Tuhan inta ain nopoḷuai kon i monimu nongkon Mesir, tampat pinononggataan kon i monimu.

ULANGAN 8:11

“Ḷukadai kopia dika modapot in moiko mokoḻiong kon i Tuhan Allahmu; dika tobatúmai in taḻiban monimu in nongkon bayongan hukum-Nea inta inogoiku kon i monimu singgai in naa.

ULANGAN 8:14

yo ḷukadai kopia sinbá moiko diá mobaḻí mododia bo mokoḻiongdon kon i Tuhan Allahmu inta nopoḷuai kon i monimu nongkon Mesir, tampat inta pinononggataan kon i monimu.

ULANGAN 8:19

Dika mokoḻiong kon i Tuhan Allahmu bo dika mayá kon ilah mita ibanea sin mosumba bo mogundoi kon i monia. Singgai in naa akuoi moponorop kon i monimu kon aka aidanpa doman monimu intua, yo notantú bidon kon yopúon i Tuhan in moiko.