AYUB 7:9 - Alkitab Singog In Mongondow Masa In Tanaa

^9-10 Naonda bo goḷom inta ontongon mako bo mayádon, intau in matoi domandon, diá bidon mobui mangoi. Bayongan intau inta nokoimontandon nonotaau kon inia, mokoḻiongdon kon inia bo diá bidon toroponnea bui.

AYUB 7:9 Iomraidhean Croise

SAMUEL 2 12:23

Táe tanaa, naonda in sia minatoi, onupabí in mangaḻenea umuran in akuoi mopuasa? Degá mokobiag bui in akuoi kon inia? Kon singgai moiduduimai akuoibí in mayá in tampat inta binayáannea, táe tanaa in diábí in sia mamangoi bui kon inakó.”

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

AYUB 10:21

Diádon moonggot mayá in akuoi bo diádon mobui mangoi, mopobayá in dunia inta mosindip bo modingungui totok,

AYUB 11:8

Kawasa-Nea in moḷantu-ḷantud nongkon toḷungayá; diábí kogawadanmu bo kogamáanmu. Kawasa-Nea in moona-onag nongkon dunia in intau minatoi, totokbí in diá komangaḻeanmu.

AYUB 16:22

Taongku mita inta kiagatnea in noyakagdon; topiḻikpa bo mayá in akuoi bo diá bidon mobui mangoi.

AYUB 17:13

Tongádon dunia in popatoi in mobaḻí kamangku, kon tuata in akuoi mosiug kon bonu in sindip.

AYUB 17:16

Aka akuoi moponag kon dunia in intau minatoi, akuoi in diá bidon bui in kamang.”

AYUB 3:13

Aka kuma bo kon dodai intua akuoi bo minatoidon, dá nosiugbí in akuoi bo nogogai takin pia-pia,

AYUB 30:15

Inta motoyang pinopoantug kon inakó; naonda bo tompot mogirup, pia in tangoiku noḷabú; naondadon bo goḷom noitaḻib, nobuḻidon in kobiaganku inta mopia.

AYUB 37:11

Ḷokutoi dinatogan-Nea in tubig, bo goḷom in monindar sinimbayagan in gotup.

MAZMUR 39:13

Indongogaipa kaasí in sambayangku o Tuhan, taridiaipa in oigumku; dikabí kaasí tongá kibio-biómai aka akuoi mongombaḷ. Naonda bo bayongan in mogoguyangku, tongábí motoyong akuoi in moniung kon ini-Mu.

YESAYA 26:14

Mosia tua in minatoi bidon bo diábí mobiag bui, dimukudnea in diábí mobiag bui. Sin mosia in nodaitdon iyopú-Mu bo pinopatan-Mudon kon bonu in gina.

YESAYA 38:11

Gumanku, akuoi in diádon mokoontong bui kon i Tuhan kon dunia, andeka moindoi kon intau kon dunia naa.