AYUB 7:2 - Alkitab Singog In Mongondow Masa In Tanaa

² naonda bo ata inta mogoḷat mako kon totuḷung; naonda bo mogogaid inta mogoḷat mako kon tondan in pinogaidannea.

AYUB 7:2 Iomraidhean Croise

KINOBAḺIAN 34:8

Guman i Hemor kon i Yakub, “Ki adíku ki Sikhem, noibogdon kon i adímu; dá akuoi in mopoigum kon inimu sinbá ogoimudon in ki adíku motonibuḷoi takin i adímu.

AYUB 7:1

Intau tua in naonda bo pinakisa mogaid kon oaidan; mobogat in kobiagannea naonda bo kobobiag in intau noniguan;

AYUB 7:3

Kon buḷanannea kobiaganku diá in mangaḻenea; muḷoi in doḷom ginaku mopuḻing in robonoḷ.

MAZMUR 119:131

Poginaanku in mopoina-inak, popisí in mokotanob kon parenta-Mu.

MAZMUR 143:6

Akuoi in nosambayang kon ini-Mu takin ḻima noiyopa; naonda bo butá inta noingkag, jiwaku in mokotanob kon ini-Mu.

YEREMIA 6:4

Mosia in mogumanbí, “Igai, posadiadon monubu kon Yerusalem! Koḻigai in kita monubu singgai in naa!” Táe onda intua mosia in moguman doman, “Ado, nolatdon! Singgai moungkoḷomdon, oḻinow mita in kobanat-kobanatdon.

IMAMAT 19:13

Dika momakisa mogamá ande mogagow kon kapunyaan in tumpaḷa intau. Aka tondan in pinogaidan intau kon inimu dika tahangonmu mako, umpaka tongáka tonggobii.

YUNUS 4:6

Dá ki Tuhan Allah nopobiag in tobatú pinomuḷa inta ḷumandai inta mopogoḻiung kon i Yunus dá nopia in ginanea. Totuu, kon mopiabí totok in gina i Yunus kon pinomuḷa tatua.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

ULANGAN 24:15

Pomuḷoi in singgai kon dodai in mata in singgai diápa tumoyop mustidon uboḻian monimu in tondan in pinogaidannea kon singgai tatua; sia in mogoḷat mako kon doit tatua sin pakéonnea. Aka diá uboḻian monimu in tondan pinogaidannea, sia in mokuanidon kon i Tuhan sin mokituḷung kon i monimu, bo moiko in poniatadon kon dinosa.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.