AYUB 7:16 - Alkitab Singog In Mongondow Masa In Tanaa

¹⁶ Moḷopí bo mobú in akuoi in mobiag; moibogdon in akuoi in matoi! Pomayádon mako in akuoi, sin diá in mangaḻe in kinobiaganku.

AYUB 7:16 Iomraidhean Croise

KINOBAḺIAN 27:46

Dá ki Ribka in nogumandon kon i Ishak, “Moyaat in ginaku bo mobú in akuoi mokoontong kon i buḷoi mita i Esau inta nongkon suku bangusa mita ibanea tatua. Aka ki Yakub motonibuḷoi doman takin bobay mita intau in Het, dá maníka akuoi in matoidon.”

DATU MITA IMITÁNEA 19:4

bo minaya-mayá in sioḷ ná padang gurun tosinggai in koonggotnea bo nogogai kon siungon in kayu inta mobambar. Kon tua iḻimitú in sia bo ibogonnea in bá matoidon. “Diádon in akuoi monahang, o Tuhan,” gumannea kon i Tuhan. “Gamádon in nyawaku. Akuoi in diábí mopia-pia nongkon mogoguyangku!”

AYUB 10:1

Akuoi in mobú bo morongó kon kobiaganku, dá oumanonkudon in roriga in dimukudku.

AYUB 10:20

Ah, diádon moonggot bo matoi in akuoi, dá pomayádon mako in akuoi tontaní, sinbá korasaankupa in kobiaganku inta kiagatneapa tanaa.

AYUB 14:6

Pomayádon mako in sia mogogai, dika tuyayowon in sia; sinbá korasaannea in kobiagannea modapot in mopaḷut in oaidannea.

AYUB 6:9

Igumon mako moibog in ki Allah morimumud kon inakó! Igumon mako Sia momongkug bo moḻimod kon inakó!

AYUB 7:15

Dá moibo-ibogbí in akuoi tagangan bo matoi bo dika in mobiag kon bonu in awak nopuḻing in roriga naa.

AYUB 7:7

Toropdon, o Allah, kobiaganku in tongábí tompot poginaan; kobiaganku inta mopia in nobuḻi, diá in toimpaḷot.

AYUB 9:21

Akuoi in diábí kotaḷá, táe diábí pandungonku. Mobúdon in akuoi in mobiag. Aka kon inakó yo diádon in moponting; inta kotaḷá bo inta mobanar, notongkaibí in kobiagannea: Tumpaḷabí yopúon i Allah in taya dua.

MAZMUR 144:4

Intau tua in naonda bo tompot poginaan, naonda bo oḻinow noitaḻib, natua in kobiagannea.

MAZMUR 39:10

Akuoi in kibio-biómai bo diá mobuká kon bibig, sin Ikobí in nosambok kon inakó.

MAZMUR 39:13

Indongogaipa kaasí in sambayangku o Tuhan, taridiaipa in oigumku; dikabí kaasí tongá kibio-biómai aka akuoi mongombaḷ. Naonda bo bayongan in mogoguyangku, tongábí motoyong akuoi in moniung kon ini-Mu.

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.

MAZMUR 78:33

Dá inimbuitandon i Allah in kobiagan monia naonda bo poginaan, taong mita monia in nodait kon bonu in ondok.

MAZMUR 78:39

Kinotoropan-Nea kon mosia in tongábí mahaḷuk inta mato-matoi, naonda bo tompot inta noitaḻib bo diá bidon mobui mangoi.

MOHOHUTUBA 2:17

Tuamai in kobiagan diá bidon in mangaḻenea kon inakó, ibanea in diábí. Komintan diá in mangaḻenea; akuoi in noḷongasidon nodomok kon tompot.

YEREMIA 8:3

Dá intau mita inta nobiagpa nongkon bangusa inta moraat tanaa inta ain pinorarit-Ku kon bayongan tampat in moibo-ibogdon matoi dika in mobiag. Akuoi, ki Tuhan Inta Totok in mokawasa, ain nosingog.”

YUNUS 4:3

Tanaa, o Tuhan, pomayádon mako bá matoidon in akuoi, sin mopia-piabí kon matoi in akuoi dika in mobiag.”

YUNUS 4:8

Naonda in nomukádon in mata in singgai, ki Allah nopoangoi in tompot mopatú inta nogirup nongkon pomukáan. Ki Yunus gogió bo notambuḷoḷok popisí in inonag in singgai inta nádon onda bo momokak kon uḷunea. Noinggamádon in kamangnea bo moibogdon totok matoi. Sia in noguman, “Mopia-piabí kon matoi in akuoi dika in mobiag!”