AYUB 7:11 - Alkitab Singog In Mongondow Masa In Tanaa

¹¹ Tuamai akuoi in diá bidon motaau in tongá kibio-biómai! Pomporí bo pait in ginaku in diábí motaau bunionku. Mustibí in akuoi mobuká kon bibigku, bo mopoḷuai in onu in kon bonu in ginaku.

AYUB 7:11 Iomraidhean Croise

KINOBAḺIAN 42:21

Bo noyosingogdon in mosia, “Totu-totuu kon tanaadon mako kita ihukum popisí in taḷá naton kon i ai-ai naton koḻipod; sia in nokituḷung táe diá pinandungmai naton, umpaka indoian mako naton kon totokdon in mororiga in sia. Tuamai tanaa mako kita in motarimadon kon roriga tanaa.”

AYUB 10:1

Akuoi in mobú bo morongó kon kobiaganku, dá oumanonkudon in roriga in dimukudku.

AYUB 10:15

Aka akuoi mogaid kon dosa, dá nasibku in totuudon kon mobodito! Táe aka aidku diá in noitaḷá, umuranbí doman in akuoi inanggap nomia kon dosa! Diá mokobaḻí in akuoi ḷumangag, sin morobonod in gina bo ná siningkuḻe.

AYUB 13:13

Tuamai in kibio-biómaidon, biódon mako mosingog in akuoi! Diábí pandungonku onu in tompobuinea!

AYUB 16:6

Aka akuoi mosingog, rorigaku in diábí mooyong; aka akuoi kibio-biómai, onu in mangaḻenea?

AYUB 21:25

Táe oyúon doman kopopatoinea in diá mopia, diá kon dodai in onda in nokorasa kon mopia.

AYUB 36:21

Pokoingat, dika mobobui kon inta moraat. Rorigamu in pinomakusud sinbá taḷaanmu in inta moraat.

AYUB 6:26

Bayongan in tosingogonku tongábí inanggap monimu tompot; diá in mangaḻenea moiko in motubag kon inakó inta ain kinobuḻian in kamang.

AYUB 9:27

Aka akuoi moibog momomi bo kumosing moḷunganga, aka tungkuḷanku moḻiong kon bayongan in roriga, dá roriga in ginaku moiangoidon bui, mogaḷow kon inakó; sin kinotaauanku, ki Allah in umuranbí mopotaḷá kon inakó.

MAZMUR 39:3

Akuoi in kibio-biómai diábí noposingo-singog, nodapot in nokorugibí tontaní. Bo rorigaku in korasaan naonda bo modugang mobogat;

MAZMUR 40:9

Mopia in ginaku in mogaid kon kinoibog-Mu, o Allah, hukum-Mu sinagúku kon bonu in gina.”

YESAYA 38:15

Onu in motaauku singogon? Naa in aidbí i Tuhan; diá mokosiug in akuoi popisí in morobonoḷ in gina.

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

LUKAS 22:44

Tantúdon moondok in Sia, dá umurandon in Sia mosambayang. Uḷat-Nea in naonda bo dugú motait kon butá.]

KORINTUS 2 2:4

Moajar totok in ginaku in nomais kon surat tanaa kon i monimu, nodapot in koomba-ombaḷ akuoi in nomais. Deemanbí makusudku kon bá moajar doman in gina monimu, táe bá kotaauan doman monimu kon motabibí totok in akuoi kon i monimu komintan.