AYUB 7:1 - Alkitab Singog In Mongondow Masa In Tanaa

¹ Intau tua in naonda bo pinakisa mogaid kon oaidan; mobogat in kobiagannea naonda bo kobobiag in intau noniguan;

AYUB 7:1 Iomraidhean Croise

AYUB 10:17

Umuran poangoi-Mu in sakusi moḷawang kon inakó; bo modugangdon moḷoben in torú-Mu kon inakó. Potabá-Mu in tontara mita mobagu sin monubu bo momarang kon inakó.

AYUB 14:1

Nongkon noitondedépamai intau tua in moyangkóbí, diá kodaya; mopoḷok in kobiagannea bo nopuḻing in roriga.

AYUB 5:7

Deeman! Táe intaubí tontaní inta mopoangoi in bodito kon inia, naonda bo rosik in baga in tuḷú momukábí nongkon tuḷúnea tontaní.

AYUB 7:2

naonda bo ata inta mogoḷat mako kon totuḷung; naonda bo mogogaid inta mogoḷat mako kon tondan in pinogaidannea.

MAZMUR 39:4

moḻia-ḻiawdon totok in ginaku. Aka umuran raion, dá modugang mosusa in ginaku; imbuitnea nogumandon in akuoi,

MOHOHUTUBA 8:8

Diábí tobatúmai in mokotahang andeka momaḷui kon singgai kopatoiannea. Tuata in inta iramuji inta diá motaau poḷaguian, diábí in sia moiḷagui kon tua, umpakabí pongin akaḷ bo tombuḻitok.

YESAYA 16:14

Bo tanaa in ki Tuhan in noguman, “Toḷupa notaong naa, bayongan in kaoyúonan inta pinoyunggaga in Moab in moinggamádon. Rayatnea inta mobayong in mobaḻídon moyakag bo moyangkó.”

YESAYA 21:16

Bo ki Tuhan in noguman kon inakó, “Noitongkaná in totaongpa bo kotoyangan in suku mita Kedar in mopaḷutdon.

YESAYA 38:5

mayá bui kon i Hizkia bo mopotaau in koyow tanaa, “Akuoi, ki Tuhan, Allah inta sinumba i Daud mogoguyangmu, nokodongogdon kon sambayangmu bo nokoontongdon kon ḷuámu. Dugangan-Kudon in umurmu mopuḷúpa bo ḻima notaong.

YESAYA 40:2

Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”

IMAMAT 25:50

Ata tatua in mustibí muna moyosingog takin intau inta notaḷui kon inia. Musti iapon monia in taong pinangkoi kon sia nopotaḷui in awaknea nobaḻí ata modapot kon Taong Popobuaian inta noiduduimai, bo dongka monantú kon boḻi inta musti potobutnea. Boḻinea tatua musti tantúon podudui in pogiapan kon tondan inta inogoi kon intau inta totondanan.

ULANGAN 15:18

Aka moiko mopoḷuat in ata tobatú, dika momanasaḷ, sin kon bonu in onom notaong sia ain notuḷung kon oaidanmu takin tongá tongobotak in gaji in bobantung tobatú. Aidaidon in parenta tatua, dá ki Tuhan Allahmu in momarakatbí kon bayongan inta aidanmu.”