AYUB 6:4 - Alkitab Singog In Mongondow Masa In Tanaa

⁴ Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

AYUB 6:4 Iomraidhean Croise

AYUB 16:9

Pinongin torú ki Allah in nomera-merak kon awakku; takin noyaat totok in gina inimindoi in Sia kon inakó.

AYUB 19:12

Tontara-Nea in nonubu diá koḷamboian; daḷanku iḷamboian, bo ḷoḷaiganku kinopung.

AYUB 20:16

Intau moraat in monginumbí kon rasum inta mododia kon bodito, sia in matoibí intua naonda bo sinobak in uḷag mobisa.

AYUB 21:20

Pomayádon mako inta binaradosa mobaba kon dosanea tontaní, biódon mako korasaannea tontaní in torú i Allah Inta Totok in Moḷantud.

AYUB 30:15

Inta motoyang pinopoantug kon inakó; naonda bo tompot mogirup, pia in tangoiku noḷabú; naondadon bo goḷom noitaḻib, nobuḻidon in kobiaganku inta mopia.

AYUB 31:23

Diábí in akuoi mogaid kon natua, sin hukuman i Allah totok in nokoondok kon ginaku.

AYUB 34:6

Akuoi in inanggap nonguboḷ, sin noguman kon akuoi in diá dinosa. Tanaa in akuoi in pinaḻi-palíanmai, umpaka in akuoi diá kotaḷá.’

AYUB 7:20

Ei moḷoḷukadku, morugi degá in Iko popisí in dosaku? Nongonu sin tanáan-Mubí mako in piot-Mu in akuoi? Degá mobogatdon totok in aidku kon ini-Mu?

AYUB 9:17

Sia in nomutú kon inakó pinongin deḷang, bo nodugang kon rorigaku takin diá in kinodoyonan.

MAZMUR 143:7

Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

MAZMUR 18:14

Bo ki Tuhan in nonggotup nongkon toḷungayá; Ki Inta Totok in Moḷantud nopodongog in singog-Nea.

MAZMUR 21:12

Aka mosia bo monomayá kon monayow kon i datu, tombuḻitok monia in diábí mokodapot.

MAZMUR 38:2

Tuhan, dika mohukum kon inakó kon bonu in torú-Mu, dika moposikisa kon inakó kon bonu in rogi-Mu.

MAZMUR 38:3

Piot-Mu in noiḷambai nonongkekeb kon awakku, ḻima-Mu in korasaan mobogat in mondorot kon inakó.

MAZMUR 45:5

Bayádon takin torindog momatuk kon inta mokountung moḷongasi kon inta mobanar bo moadil inta moḷukó; podoyon kon ropotmu batukdon in kountungan inta moḷoben!

MAZMUR 7:13

Aka dodia monia bo diá mobaḷui, yo sinadia-Nea bidon in pakakat in parang inta mokopatoi. Inatá-Neadon in kedang bo puḷu in piot kinadaian-Neadon, bo poḷat mopopiot in piot-Nea mita inta kodoko-dokot.

AMSAL 14:10

Ḷunganga andeka robonoḷ in gina in noinonombí kon bonu in dodob; intau ibanea in diábí moitakin mokorasa kon tua.

AMSAL 18:14

Popisí in ibog mobiag, intau in mokopotaanbí kon roriga; moinggamá in ibog tatua, moinggamá doman in bayongan kamang.

YESAYA 28:19

Moiko in umuran koantugan in bodito bo musti mobaba kon tua pomuḷoi in singgai, doḷo-doḷom, moutu in singgai bo doḷom. Moiko in mourotbí popisí in ondok aka komangaḻean monimu in koyow i Allah.

OMBAḶ 2:4

Naonda bo musung, Sia in nomadang kon puḷu in piot-Nea bo pinopotayow-Nea kon i naton in piot-Nea. Bayongan in intau inta nokosanang kon gina naton, nodait iḻimod-Nea. Sia in noporoput in torú-Nea naonda bo tuḷú kon bonu in kotá in Yerusalem tanaa.

OMBAḶ 3:3

Akuoi in sinambok nopobui-buimai, takin diábí in tabi kinoouput in singgai.

MARKUS 15:34

Bo wakutu in jam nogintoḷudon ḷoḷabungnea, ki Yesus nomaḷú noropot, “Eloi, Eloi, lama sabaktani?” inta mangaḻenea, “O Allah-Ku, o Allah-Ku, nongonu sin taḷaan-Mubí in Akuoi?”

KORINTUS 2 5:11

Kotaauanbí in nami mangaḻe in moondok kon i Tuhan. Manangka intua kami moramuji sinbá pirisayaan in bayongan intau. Totokbí in kinotaauan i Allah in kami naa. Tuamai in haraponku in kotaauan doman monimu in kami.

ULANGAN 32:42

Piot-Ku mita in mopuḻingbí in dugú monia; bayongan inta monayow kon i-Nakó ḻimodon-Ku in kedang-Ku. Diábí pomayá-Ku mako in ki inekabí in moḷawang kon i-Nakó; intau inta kon ponjara bo inta sinoko tompaḻían in mustibí doman matoi.

RUT 1:20

“Dika oiníon ki Naomi in akuoi,” guman i Naomi, “Oinídon in akuoi ki Mara, sin ki Allah Inta Totok in Mokawasa ain nopomayá mako kon inakó nobiag nopuḻing in paitnea.