AYUB 6:24 - Alkitab Singog In Mongondow Masa In Tanaa

²⁴ Yo, tundúdon in akuoi, poontongdon in taḷáku! Kibio-bióbímai in akuoi bo mokidongog kon tosingogonmu.

AYUB 6:24 Iomraidhean Croise

YAKOBUS 3:2

Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.

AMSAL 9:9

Aka intau mobijak tongginaanmu, yo modugang mobijaksana in sia. Bo aka intau inta motoindudui kon i Allah tundúonmu, yo modugang motaau in sia.

AYUB 10:2

Oo Allah, dikadon in akuoi potaḷáan-Mu; insilangaidon nongonu sin akuoi in iḷawang-Mubí.

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

AYUB 34:32

Degá nopoigumdon in iko sinbá poontong-Neadon in taḷámu? Nongibotdon degá in iko kon diádon mogaid kon tua?

AYUB 33:1

Tanaa, uḻe Ayub, indongogaipa kotaridion in singog mita inta potaauku naa.

AYUB 5:27

Ayub, tua komintan in aindon sinaridian nami. Totuubí in tosingogon tatua, dá tarimadon mako.”

AMSAL 25:12

Toboḷow in intau moarip kon i intau inta moibog mokidongog, in naonda bo sising buḷawan andeka ḷambá madiow.

AYUB 32:11

Nosabar totok in akuoi in nokidongog kon dodai in moiko nosingog, bo mogoḷat mako kon dodai in moiko motayak kon tosingogon mita inta mobijaksana.

YAKOBUS 1:19

Utat mita inta kinotabiku, tarukira kopira in naa! Pomuḷoi in intau musti ḻimikat in mokidongog, tongá mokopoḷaḷoi in mosingog bo donaai doman baḷú tumorú.

AYUB 6:23

Degá akuoi nopoigum sinbá posaḷamaton bo tobuton nongkon musung inta diá kototabi?

AYUB 6:25

Tosingogon mita inta motuḻid mokoonow kon gina, táe singogmu nion diá in bonunea, diá in mangaḻenea!

AYUB 13:23

Tongonu in kobayong in taḷá bo dosa inta inaidanku? Bayongan aidku inta noitabat in poguman-Mukadon!