AYUB 5:6 - Alkitab Singog In Mongondow Masa In Tanaa

⁶ Deemanbí nongkon dunia in momuká in moraat; deemanbí nongkon butá momuká in roriga.

AYUB 5:6 Iomraidhean Croise

AYUB 15:35

Tuata in mosia inta nonomayá kon inta moraat bo mopoaid intua; uboḷ in umuranbí oyúon kon bonu in ginanea.”

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

MAZMUR 90:7

Kami in noitaḻikokog in torú-Mu, bo nodait minatoi in yaat in gina-Mu.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

OMBAḶ 3:38

Mopia bo moraat pinobayá tongábí moidoyon kon parenta i Tuhan.

HOSEA 10:4

Mosia in mosingog kon ambungangaḷ bo momia kon dandi diá totuu bo tumogot kon dodandian inta diá in mangaḻenea. Hukum tuuyon dá inta diá moadil in mobiag naonda bo tagoi kon gobá inta ain pinasoḷan.

IMAMAT 25:5

Modapot in anggur inta kino bia-biagnea ande anggur nongkon pangkoi in anggurmu inta diá pinoḻimpingan, diábí motaau sipunon monimu bo tagúon, sin taong tatua in nobaḻí taong pogogaian in butá.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

ULANGAN 32:27

Táe doíbí in Akuoi aka musung in Israel dumodia; dika-dika bo moitaḷá mosangka bo moguman kon mosia in nonaḷow kon umat-Ku,’ bokaka Akuoibí in nogaid kon tua.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

SAMUEL 1 6:9

Tarukiradon in bobayánea; aka Poti Dodandian tatua diaan pobayá ná butánea tontaní, inta kon kotá in Bet-Semes, tua in mangaḻenea kon ki Allahdon in intau Israel inta ain nopouma in bodito inta motoyang tatua kon i naton. Táe aka roda tatua diá nopobayá ná tua, dá kotaauandon naton kon bodito tatua in deemanbí nongkon i Allah in Israel, táe tongábí noikoḷatmai natua.”