AYUB 5:5 - Alkitab Singog In Mongondow Masa In Tanaa

⁵ Onu in batunon monia kon gobánea, nodait kinaan in intau inta diá in bonu in siannea. Nodapot in gandum inta kon yuak in dugi, nodait kinaan in intau inta ginogoi. Kapunyaan bo kaoyúonan monia umuran tarapon mako in intau inta moibog in kapunyaan.

AYUB 5:5 Iomraidhean Croise

TAWARIKH 2 33:11

Tuamai ki Tuhan in nopoangoi in tongguḷu totokanea in tontara in Asyur sin monubu kon Yohuda. Ki Manasye in dinomok in kokarit, bo inumantungan bo dinia pinobayá in Babel.

AYUB 1:17

Diápa in sia nopaḷut nosingog, kon dodai in bobantung intoḷunea namangoi nopotaau, “Toḷu nopaanan in mogogagow intau in Kasdim in nogagowdon kon unta mita i Tuang bo noḻimod kon bobantung mita i Tuang. Tongádon akuoi tontaní in nokoḷagui dá notaaudon namangoi nopotaau intua kon i Tuang.”

AYUB 12:6

Táe kobiagan in mogogagow diábí ginogondok; intau inta mokobaḻí monontot kon i Allah, mobiag motompia. Bokaka dewa inta pongata-ngata monia, tongábí ropot monia tontaní.

AYUB 2:3

Ki Tuhan in noḻibó bui, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau in ná kotoindudui bo kopopianea tua. Sia in nosumba kon i-Nakó bo diábí kon dodai in onda in nogaid kon inta moraat. Sia in umuranpabí mosatia kon i-Nakó, umpakabí iko ain nodondouḷug kon i-Nakó kon mopobodito kon inia umpaka diá in kinodoyonannea.”

AYUB 20:15

Kapunyaan sinakow inta iḻiomnea, pakisadon pinototukanea; pinoḷuai i Allah intua nongkon bonu in siannea.

AYUB 20:22

Kon tungkuḷ in mooyúondon totok in sia, roriga bo robonoḷ in ginanea mamangoi moiantug kon inia.

AYUB 22:10

Tuamai in kon diugmumai, tanaa in nopuḻingdon in potait, bo daḻídon in ginamu koaputan in ondok.

MAZMUR 109:11

Biódon mako in bayongan in kapunyaannea gamáan in mononagi kon boḻi, bo onu in siniḷopíannea agowon in intau.

YESAYA 62:8

Ki Tuhan in nodandidon takin ibot bo mopobayábí intua pinongin kawasa-Nea: “Akuoi in diá bidon mobogoi in gandummu kon musung; intau ango-angoi in diá bidon monginum kon anggurmu inta nouḻímu takin irumoriga.

YEREMIA 51:34

Yerusalem in irimumud bo kinaan komintan i datu in Babel; inaotannea in kotá tatua naonda bo inta nongaot kon botoḷ. Naonda bo mahaḷuk inta moḷoben totok, iḻiomnea in Yerusalem bo nomonu kon siannea takin bayongan inta mopia nongkon kotá tatua, bodongka noḷumbú kon ki agatnea.

YEREMIA 51:44

Bel, dewa in butá in Babel, in hukumon-Kubí. Baḻíon-Ku in sia mopobui kon onu inta ain inagownea. Bangusa mita in diá bidon mosumba kon inia. Dinding mita in Babel in norumbundon.

OMBAḶ 2:16

Bayongan in musungmu moindoi kon pogotmu takin rongut, kosingan monia in iko bo monginggoi. Mosia in moguman, “Kotá tatua in iyompatdon nami! Imbuitnea noidapot domandon in wakutu inta inoḷa-oḷat mako nami!”

OMBAḶ 2:5

Ki Tuhan nobaḻí naonda bo musung; binoutnea in Israel nodapot in norumbun. Irimumud-Nea in dinding mita takin komaḻig, bo nodugang kon ajar in gina kon intau in Yohuda.

HOSEA 8:7

Umat-Ku in noponimboi in tompot dá mosia in mokoyutbí kon deḷang! Gobá in gandum monia in diábí dumarag, dá diábí mobogoi in topong kaanon. Táe aka gobá tatua bo dumarag doman, dá gandumnea in gamáanbí komintan in bangusa mita ibanea.

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.

ULANGAN 28:51

Mosia in mokopodaitbímai kon bobiagon bo bungai in boyómu, bo diábí tonggagatan monia in gandum in moiko, tubig in anggur, ḷana in zaitun ande sapi bo bembé dombamu modapot in moiko matoi in gogoy.

HAKIM MITA 6:11

Kon singgai tobatú malaekat i Tuhan namangoi kon kotá in Opra, bo iḻimitú kon siungon in pangkoi kayu terpentin, kapunyaan i Yoas, intau nongkon inanakan i Abiezer. Ki adínea inta ki Gideon, koyogot moḻintogmai kon gandum kon tampat pomomugutan kon anggur. Inaidannea intua takin inumado-adop sinbá diá koontongan in intau in Midian.