AYUB 42:16 - Alkitab Singog In Mongondow Masa In Tanaa

¹⁶ Nopaḷut mako in bodito tatua ki Ayub in nobiagpa mogatut bo opat nopuḷú notaong in koonggotnea, dá nokoontongpa in sia kon i ompunea mita nodapot kon ompu kon duḷud.

AYUB 42:16 Iomraidhean Croise

KINOBAḺIAN 11:32

Bo kon tampat tatua doman ki Terah minatoi kon dodai in sia umur doyowa nogatut bo ḻima notaong.

KINOBAḺIAN 25:7

Ki Abraham in minatoi kon tungkuḷ in sia nogoguyangdon totok in umurnea, sin mogatutdon bo pitu nopuḷú boḻima notaong.

KINOBAḺIAN 35:28

Kon tungkuḷ in umurnea totokdon in nogoguyang, mogatutdon bo waḷu nopuḷú notaong, ki Ishak minatoi bo iḷobongdon i Esau bo i Yakub inta ki adínea mita.

KINOBAḺIAN 47:28

Ki Yakub nobiagpa mopuḷú bopitu notaong kon Mesir nodapot in umurnea mogatutdon bo opat nopuḷú bopitu notaong.

KINOBAḺIAN 50:23

Sia in nokooḷat bo nokoontongpa kon i adí bo ompu i Epraim. Ná doman tua ki adí mita i Makhir, inta ki ompu i Manasye sinompianeapamai ná ki adínea tontaní.

KINOBAḺIAN 50:26

Onda intua minatoidon in ki Yusup kon Mesir kon dodai in umurdon mogatut bo mopuḷú notaong. Mosia in nonompia kon mayat tatua takin nomaké in bahan mita inta biasamai pakéon kon intau minatoi. Bahan mita tatua binonu monia kon poti intau minatoi.

AYUB 42:15

Kon bayongan in butá diábí in mongodeaga ná koḷoḷunat in adí mita i Ayub taya toḷu tua. Mosia tua in inogoian in tonsilai kon kapunyaan i amánea, notongkai ná ki utat mita monia inta ḷoḷaki.

AYUB 42:17

Bo minatoidon in ki Ayub kon dodai in nogoguyangdon totok.

MAZMUR 128:6

Igumon mako iko in moumur in kobiagan, bo mokoontong kon adí bo ompumu! Igumon mako umat i Tuhan in mobiag motompia!

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

AMSAL 17:6

Inta mokoḷunganga kon intau inta ain nogoguyang in adí bo ompubí; mokoḷunganga kon adí in guyanganeabí.

ULANGAN 34:7

Ki Musa minatoi kon dodai in umur mogatut bo doyowa nopuḷú notaong. Ropotnea in diábí nogaat bo matanea umuranpabí doman motarang.

YOSUA 24:29

Noiduduimai kon tua ki Yosua adí i Nun mogogundoi i Tuhan tua, minatoi kon dodai in umurdon mogatut bo mopuḷú notaong.