AYUB 42:12 - Alkitab Singog In Mongondow Masa In Tanaa

¹² Ki Ayub in binarakatan i Tuhan kino bayong totok kon ki agat in kinobiagannea, nongkon inta dungkuḷ kon dodai in sia diápa kinoantugan in bodito. Ki Ayub in kodomba bembé 14.000, unta 6.000, sapi 2.000, bo keledai 1.000.

AYUB 42:12 Iomraidhean Croise

KINOBAḺIAN 24:35

Ki Tuhan in nomarakat totok kon i tuangku tua bo binaḻí-Nea nooyúon totok. Ki Tuhan ain nobogoi kon inia in paanan in domba, bembé, sapi, unta, keledai, bo saḷaka doman, buḷawan, takin doman bobantung ḷoḷaki bo bobay.

AYUB 1:10

Sia, motoḷuadínea bo bayongan in kaoyúonannea umuran iḷukadan-Mu. Oaidannea in binarakatan-Mu bo inogoian-Mu in sia in bobiagon nobayong totok kon butá tanaa.

AYUB 1:2

Sia in kogadí kon adí ḷoḷaki taya pitu bo adí bobay taya toḷu.

AYUB 1:3

Koḻikud intua nobayong doman in atanea, dombanea in 7.000, unta in 3.000, sapi in 1.000, bo keledai in 500. Impoḷok mako in singog, sia tua in intau inta totok in nooyúon kon sigad in intau inta nogutun kon butá kon dotá in pomukaan.

AYUB 8:7

Kaoyúonanmu inta nobuḻi tua in diábí in mangaḻenea poyotongkaionmai kon onu in inta bain bui mouḻímu.

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

MOHOHUTUBA 7:8

Mopia-piabí kon imbuit in pelekara tobatú in pangkoi in pelekara tatua; mopia-piabí kon mosabar bo dika in moiḻiu in yunggagá.

YEHEZKIEL 36:11

Intau mita inta nogutun kon inimu takin bobiagonnea in dugangan-Kubí, dá mobaḻídon mobayong totok mobayo-bayongdon kon inta muna, bo mosia in mononggadí mononggompubí kon mobayong. Mosia in mobiagbí kon tua ná dungkuḷ bo baḻíon-Kudon mobiag mooyúon, ná inta diápa kon dodai in onda in kinoyitakan monimu. Dá kotaauandon monia kon Akuoibí in ki Tuhan.

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.