AYUB 42:10 - Alkitab Singog In Mongondow Masa In Tanaa

¹⁰ Onda intua, naonda in sinambayangan i Ayub in yobayatnea taya toḷu, binaḻí i Tuhan in sia nooyúondon totok bo nobogoi bui kon inia kodua in bayongnea nongkon bayongan in kapunyaannea inta dungkuḷ.

AYUB 42:10 Iomraidhean Croise

KINOBAḺIAN 20:17

Binaḻí komintan i Tuhan bantó in bayongan bobay kon komaḻig i Abimelek pinopisí inta nobaḻí tatua kon i Sara, ki buḷoi i Abraham tatua. Bo ki Abraham in nosambayang kon i Allah, bo ki Allah nongundam bui kon i Abimelek, ki buḷoinea bo bobantungnea mita bobay, dá bobay mita tatua buidon nononggadí.

TAWARIKH 2 25:9

“Dá naonda degá in bayongan saḷaka inta ain inogoiku kon i monia?” iḻibó i Amazia. Ki Nabi tatua in notubag, “Ki Tuhan in mokopobuibí kon i Tuang moiḻiu nongkon tua!”

AYUB 1:2

Sia in kogadí kon adí ḷoḷaki taya pitu bo adí bobay taya toḷu.

AYUB 1:3

Koḻikud intua nobayong doman in atanea, dombanea in 7.000, unta in 3.000, sapi in 1.000, bo keledai in 500. Impoḷok mako in singog, sia tua in intau inta totok in nooyúon kon sigad in intau inta nogutun kon butá kon dotá in pomukaan.

AYUB 42:9

Ki Elipas, ki Bildad bo ki Zopar in nogaid kon onu inta pinoki aid i Tuhan, bo ki Tuhan in notarima kon sambayang i Ayub.

MAZMUR 126:1

Dondong mayá in Baḷoi Tuhan. Kon tungkuḷ in ki Tuhan nopoguḻí bui in kaadaan Yerusalem, kita in naonda bo sinogoindop!

MAZMUR 14:7

Igumon mako nongkon Sion mamangoi in kasaḷamatan kon Israel! Dá buí i Yakub in koangoianbí in ḷunganga in gina aka ki Tuhan mopoguḻídon in kobiagan in umat-Nea.

MAZMUR 53:6

Intau moraat in totokbí in angoian in ondok, bokaka diábí in mokoondok, sin ki Allah in moporaritbí in tuḷan in intau inta nongopung kon i monimu; mosia in kinodoídon i Allah, dá taḷowonbí monimu in mosia.

AMSAL 22:4

Intau inta mopirisaya kon i Tuhan bo tumonsiup, in mosanang, mobiag motompia bo horomaton.

YESAYA 40:2

Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”

YESAYA 61:7

Popisí in moiko ain pinokopo oyámai totok, bo tamak takin inta nohina ain nobaḻí silaimu, dá moiko in mokouḻí kon warisan kodua in kobayongnea kon butámu bo mokouḻí kon ḷunganga in gina mononoi.

HAGAI 2:8

Bayongan in buḷawan bo saḷaka kon dunia naa in Akuoibí in kitogi.

PINOGIAPAN 12:13

Dá nokuanidon in ki Musa kon i Tuhan, “O Allah, poigumonku kaasí, undamaipa in sia!”

PINOGIAPAN 12:2

Mosia in nosingog, “Eta tongá ki Musa in popotaauan i Tuhan kon tosingogon-Nea? Ki Tuhan in mosingogbí doman kon i naton?” Dinongog i Tuhan in tosingogon monia tua.

PINOGIAPAN 14:10

Bayongan umat nonontot kon mogarab in batu kon i monia dapot in matoi. Táe daḻídon intau mita tatua nokoontong kon sindar i Tuhan nomuká kon ḻimonik in Ḷoḷaigan-Nea.

LUKAS 16:27

Intau nooyúon tatua in noguman nanaa, ‘Aka natua, dá nanaadon in poigumonku kon i amá: tuḷungaipa bo potabá in ki Lazarus mayá in baḷoi i amáku.

OUMAN IN RASUL MITA 7:50

Diábí kinotaauan monimu kon Akuoibí in nogaid kon tua komintan?’ natua in pirman i Allah.

OUMAN IN RASUL MITA 7:60

Bo sinumungkud in sia poḷat nomaḷú noropot, “Tuhan, donaaidon dosa tanaa popobaba-Mu kon i monia!” Onda in noguman mako natua sia in minatoidon.

ULANGAN 30:3

dá ki Tuhan Allahmu in monotabibí kon i monimu. Moiko in diaan-Neabí bui nongkon bangusa mita inta pinoporangkapan kon i monimu, bo bui ogoian in kobiagan motompia.

ULANGAN 8:18

Torop kon ki Tuhan Allahmubí in nobogoi in kaoyúonan tatua kon inimu. Tua inaidan-Nea sin umaai in singgai naa Sia umuranpabí mosatia kon dodandian inta pinomia-Nea takin mogoguyangmu.

ULANGAN 9:20

Ki Tuhan sinumorú doman totok kon i Harun nodapot in moibogdon in Sia moḻimod kon inia, dá akuoi nosambayang doman kon inia.

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.

SAMUEL 1 2:7

Oyúon in intau in binaḻí-Nea nobiag nobogá, oyúon doman in binaḻí-Nea nobiag nooyúon. Oyúon in intau inta pinopoompá-Nea, oyúon doman in intau inta pinoḷantud-Nea.

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.