AYUB 4:4 - Alkitab Singog In Mongondow Masa In Tanaa

⁴ Tosingogonmu mita inta mopoḷoben kon gina, nopobangondon kon intau inta noipintud, noḷungkoyó bo noḷopí.

AYUB 4:4 Iomraidhean Croise

AYUB 29:11

Ki ineka yo moitongaubí in mokodongog kon soaḷ akuoi; ki ine in mokoontong kon inakó, modayow kon aidku.

AYUB 29:25

Akuoibí in nobaḻí itoi, bo nonantú kon bayongan in tosingogon. Diniaku in mosia naonda bo datu kon yuak in tontaranea, bo iḻipoiku in mosia kon bonu in roriga in ginanea.

AYUB 4:3

Nobayong in intau inta ain inogoianmu in totundú, bo mosia inta moyangkó iniropotanmudon.

AYUB 4:5

Táe tanaa ikodon tontaní in kinotugatan in robonoḷ in gina; noitaḻikokog in iko, bo kinobuḻiandon in kamang.

MAZMUR 145:14

Ki Tuhan in motuḷung kon intau inta kinoantugan in susa, Potorindogon-Nea in intau inta noikuyung.

AMSAL 12:18

Tongá kino singo-singognea in mokotompaḻí kon gina naonda bo turakon in pitow; tosingogon mita mobijaksana in naonda bo undam inta mokopia.

AMSAL 25:11

Bonu in raian inta pinoposingog noitongkaná kon wakutunea in naonda bo bungai in buḷawan kon bonu in pindan saḷaka moḷoben.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

DANIEL 5:6

Nobilaidon totok in sia bo nádomai tua in ondoknea nodapot in nourotdon totok in duḷudnea.

KORINTUS 2 2:7

Musti ampungan monimu in taḷánea tatua bo tongginaai, sinbá diádon totok moyoyiga in ginanea sahingga kobuḻiandon harapan in sia.

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

IBRANI 12:12

Tuamai, koropot in ḻimamu inta noḻemé bo duḷudmu inta mouyot tua!