AYUB 4:3 - Alkitab Singog In Mongondow Masa In Tanaa

³ Nobayong in intau inta ain inogoianmu in totundú, bo mosia inta moyangkó iniropotanmudon.

AYUB 4:3 Iomraidhean Croise

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

EZRA 6:22

Pitu nosinggai in koonggotnea in mosia takin sanang in gina norame kon Singgai moḷoben in Roti diá Iragian. Mosanang totok in gina monia sin ki Tuhan ain nopobaḻí kon i datu in Asyur mopia in gina kon i monia dá notuḷungdon kon i monia kon oaidan noposindog bui in Baḷoi Tuhan, Allah in Israel.

AYUB 16:5

Ginamu in irotonankubí in noyagi-yagimai in tongganut; tosingogonku mita in mokoḻipoibí.

AYUB 29:11

Ki ineka yo moitongaubí in mokodongog kon soaḷ akuoi; ki ine in mokoontong kon inakó, modayow kon aidku.

AYUB 29:15

Aka kon intau bilog, akuoi in nobaḻí mata; kon intau ḻempeng, akuoi in nobaḻí sioḷnea.

AYUB 29:16

Aka kon intau nobogá, akuoi in nobaḻí ki amá; kon intau ango-angoi, akuoi in nobaḻí mododuḷu.

AYUB 29:21

Intau mita kibio-biómai, aka akuoi mononggina; bayongan in singogku komintan indongogan monia kopiaan.

AYUB 4:4

Tosingogonmu mita inta mopoḷoben kon gina, nopobangondon kon intau inta noipintud, noḷungkoyó bo noḷopí.

AMSAL 10:21

Tosingogon in intau inta mopia, in mobaḻí barakat kon intau mobayong; kobobodok in intau bodok in moḻimodbí kon inia tontaní.

AMSAL 15:7

Tosingogon mita in intau mobijaksana nopuḻing in sinotaau, táe raian in intau bodok in diábí natua.

AMSAL 16:21

Intau mobijaksana in kotaauanbí kon pororainea inta mopandoi; potosingognea inta mokosanang, mokorigon kon onu in siningognea.

YESAYA 35:3

Koropot in ḻima inta moyangkó, koroton in duḷud inta mourot.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

YEHEZKIEL 13:22

Intau mita mopia inta diá pomiaan-Ku ibo-ibog, in ginogondokdon monimu takin ouman uboḷmu. Intau mita moraat duíon monimu sinbá umuran mogaid kon dosa bo diá posaḷamaton.

ZEPANYA 3:16

Moiangoibí in wakutunea intau mita in moguman, “Ei Yerusalem, dikadon moondok bo moḻia-ḻiaw in gina.

LUKAS 22:32

Táe iko Simon, aindon sinambayangan-Ku, sinbá motantú in pirisayamu. Bo aka iko mobuidon mangoi kon i-Nakó, yo mustimubí doman iropotanmu in gina in bayongan ginaḷummu.”

LUKAS 22:43

Tobatú malaekat namangoi kon i-Nia bo noginropot kon gina-Nea.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

ULANGAN 3:28

Ogoiaidon in topotundú mita in ki Yosua. Iyotonaidon in ginanea, sin siadon in modia kon bangusa tatua mayá in ḷoḷan sin ḻimitú kon butá inta inontongmu tatua.’

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.

IBRANI 12:12

Tuamai, koropot in ḻimamu inta noḻemé bo duḷudmu inta mouyot tua!