AYUB 4:14 - Alkitab Singog In Mongondow Masa In Tanaa

¹⁴ Dá noitaḻikokog in akuoi bo urot mako; nodait noḻiai in awakku sin ginumugur.

AYUB 4:14 Iomraidhean Croise

AYUB 33:19

Ki Allah in nonoboḷow kon intau pinongin nopoangoi in takit dá awaknea in modaitdon monakit.

AYUB 4:13

Siugku in kinotuyayowannea, nádon onda bo sinumogoindop kon diá mopia kon sindip moromon.

AYUB 4:15

Tompot moyangkó nogirup kon pogotku, dá nomukádon in poyuntungku.

AYUB 7:14

Táe gogondokon-Mu in akuoi in togoindop; Popoangoi-Mu in togoindop moraat bo gina ḷumayang.

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

DANIEL 10:11

Malaekat tatua in noguman kon inakó, “Daniel, iko in kinotabi i Allah. Bangondon bo sindogdon bo indongogai in singogku mita tanaa kopiaan. Akuoi naa in pinotabádon namangoi kon inimu.” Naonda in sia noguman kon tua, sinimindogdon in akuoi takin urot.

HABAKUK 3:16

Nokodongogmai kon tua, inagían in ondok in akuoi bo bibigku in motondodaḷó. Akuoi in nobaḻí noḻemé diádon in ropot, sioḷku in noipintud, kon ondaka in bayáanku. Oḷatonkubí takin gina moodom in hukuman i Allah kon mononubu.

LUKAS 1:12

Naonda in nokoontongmai kon malaekat tatua, noitaḻikokog in sia bo inangoian in ondok.

LUKAS 1:29

Nokodongogmai kon singog tatua in ki Maria, noitaḻikokog in sia bo norai kon bonu in ginanea, onu degá in mangaḻe in salam tatua.

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.