AYUB 4:11 - Alkitab Singog In Mongondow Masa In Tanaa

¹¹ Mosia in matoi naonda bo singa inta kinodaitan in kaanon, dá ki adínea mita in posibayádon magí-mako.

AYUB 4:11 Iomraidhean Croise

KINOBAḺIAN 49:9

Ki Yohuda naonda bo singa batánea; sia in moḻimod kon kokaanonnea bodongka bui mayá kon dumunnea; sia momuḻikai bodongka umuḻid, bo diá tobatúmai intau mokobaḻí monuyayow kon inia.

AYUB 1:19

Bo daḻíbí in deḷang nogirup nongkon rawang in bungaion bo nondangat kon baḷoi tatua nodapot in noumpag bo noidantug kon i adí mita i Tuang dá minatoidon komintan in ki adí mita i Tuang. Tongádon akuoi naa in nobiag dá notaau namangoi nopotaau intua kon i Tuang.”

AYUB 20:10

Inta koḻipod sinakownea nongkon intau inta diá koonu bo onu musti toḻiuan i adínea mita.

AYUB 29:17

Táe kawasa in intau mokotor, pinutoḷku, bo kuruban monia in pinosaḷamatku.

AYUB 38:39

Mokoaḷap degá in iko kon mahaḷuk sin pokaan kon singa mita bo mopobotug kon sian i adínea mita,

AYUB 5:15

Táe ki Allah in noposaḷamat: kon intau nobogá nongkon kopatoian, kon intau inta moyangkó nongkon pinononggataan.

AYUB 5:4

Dá ki adínea mita in diábí nokoimontanmai in sinuḷungan; doíbí in moibog moduḷu kon i monia kon pongadilan.

MAZMUR 34:10

Horomatdon in ki Tuhan, ei moiko umat-Nea, sin intau inta mopirisaya in diábí kodaitan.

MAZMUR 34:11

Umpaka singa mita yo gogoyonbí doman popisí in kodaitan in kaanon; táe intau inta mosumba kon i Tuhan in diábí kodaitan.

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

HOSEA 11:10

Ki Tuhan in noguman, “Umat-Ku in dumuduibí kon i-Nakó aka Akuoi moganggor naonda bo singa bo mopourot kon musung monia. Umat-Ku in ḻimikatbí in mamangoi nongkon dotá in toyopan sin mosumba kon i-Nakó.

PINOGIAPAN 23:24

Bangusa tatua nobangon naonda bo singa kobaayan, bo simindog motorindog naonda bo singa koḷakian. Diábí in sia mosiug aka diápa mokaan kon onu in kokaanonnea bo monginum kon dugú in kuruban inta dinomoknea.”

PINOGIAPAN 24:9

Bangusa tatua naonda bo singa koḷakian bo singa kobaayan, inta tumongkob bo umuḻid. Ki ine in mokobaḻí mopobangon kon inia? Poigumon mako intau inta momarakat kon inimu in barakatan doman, bo intau inta mongutuk kon inimu in kutukon doman.”

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.