AYUB 39:11 - Alkitab Singog In Mongondow Masa In Tanaa

¹¹ Motaau degá pongatamu in ropotnea tua, bo ogoimu kon inia in oaidanmu inta mobogat?

AYUB 39:11 Iomraidhean Croise

KINOBAḺIAN 1:26

Onda intua ki Allah in noguman, “Tanaa kita in momia kon intau potombatangan in gambar bo pogot naton. Mosia in mongawasa kon toyá mita, ḷagapan mita bo bayongan mahaḷuk pinomayá moyonok ande kaḻig, pinomayá moḷoben ande mointok.”

KINOBAḺIAN 1:28

Onda intua binarakatan-Neadon in mosia poḷat noguman, “Pononggadí bo pononggompudon kobarongon, sinbá buímu in ḻimitú bo mongawasa kon tua mita. Moiko in ogoian-Ku in oaidan monompia kon toyá mita, ḷagapan mita, bo bayongan mahaḷuk ibanea inta kaḻig.

KINOBAḺIAN 42:26

Nopaḷut mako kon tua pinodatogdon i guya-guyang mita i Yusup kon nonoyan in keledai in gandum mita inta sinaḷui monia tatua bodongka nobuatdon in mosia nongkon tua.

KINOBAḺIAN 9:2

Bayongan ḷagapan bo toyá takin mahaḷuk mita ibanea moondokbí kon inimu. Mosia in komintanbí kon bonu in kawasamu.

AYUB 39:10

Kotogotanmu degá in sia bo pakisaanmu momajeko? Mokopotabá degá in iko kon inia mongari kon gobámu?

AYUB 39:12

Degá pirisayaanmu in sia mosipun kon bungai in boyómu, bo modia pobayá in tampat duḷangmu?

MAZMUR 144:14

Igumon mako in sapi mita naton modugang mobayong bo diá in mobuḻi andeka koukaian. Igumon mako in diá kodongogan in amui roriga kon daḷan mita kon kotá naton.

MAZMUR 147:10

Kinosanang in gina i Tuhan in deemanbí kabaḷo inta moropot; deemanbí doman pojuang inta mobarani.

MAZMUR 20:7

Tanaa in kinotaauanku kon ki Tuhan in mopountung kon i datu inta piniḻí-Nea. Ki Tuhan in notubag kon inia nongkon soroga inta motusi; pinodoyon kon kawasa i Tuhan pountungon totok.

AMSAL 14:4

Aka diá in sapi, dá diábí doman in bungai in boyó; pinongin ropot in sapi, dá mobarongdon totok in bungai in boyó.

YESAYA 30:16

Nodapotbí in moiko nomiabí kon tomayá sin moḷagui nongkon musung tumakoi kon kabaḷo inta moḻikat. Mopia! Totuu moiko in mustibí moḷagui! Kai monimu kamai dá kabaḷomu tua in tugatbí in koḻikatnea, bokaka mogogaḷumubí in moḻika-ḻikat nongkon i monimu.

YESAYA 30:6

Nanaa in koyow i Tuhan soaḷ mahaḷuk mita inta kon butá in toḷatan, “Totabá mita nopodatog kon keledai bo unta monia in tombuinag mita, bo nongin butá inta nopuḻing in inta mokoondok inta pinogutunan in singa, uḷag mobisa bo naga kokoḻikipan. Tombuinag mita tatua pinosumba monia kon bangusa tobatú inta diá mokotuḷung kon i monia.

YESAYA 46:1

Naa in kopaḷutan in dewa mita in Babel; dungkuḷmai patong i Bel bo i Nebo sinumba, táe tanaa in dinatogdon kon ḻikud in bobiagon, nobaḻí dodiaan in bobiagon inta moḷopí.

PINOGIAPAN 23:22

Ki Allah in nodia kon i monia iḻumuai nongkon Mesir; naonda bo bantong kaḻig Sia in noparang sin motuḷung kon i monia.