AYUB 34:10 - Alkitab Singog In Mongondow Masa In Tanaa

¹⁰ Ei intau mita inta moarip, indongogai! Umpaka dá ki Allah Inta mokawasa totok mogaid kon moitaḷá?

AYUB 34:10 Iomraidhean Croise

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

SAMUEL 2 22:31

Oaidan i Allahku in notompod totok, dandi i Tuhan motaau pirisayaan! Sia in naonda bo kaḻeaw kon bayongan inta namangoi kon i-Nia.

TAWARIKH 2 19:7

Moiko in mustibí motoguondok kon i Tuhan, bo mokopopia in mopobayá, sin ki Tuhan Allah naton in doíbí kon intau mita inta diá moadil, inta mobogat kon toḷosi andeka inta motarima kon bogoi pomompon kon bibig.”

AYUB 34:12

Ki Allah Inta Totok in mokawasa diábí mogaid kon inta moraat; bayongan in intau inogoian-Nea koadilan.

AYUB 34:34

Bayongan in intau moarip notantúbí kon moibog kon tua; intau mobijak inta mokodongog kon singogku in mogumanbí

AYUB 36:23

Ki ine in motaau monantú kon daḷan kon i-Nia andeka mokobaḻí in moguman kon Sia in nogaid kon noitaḷá?

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 8:3

Ki Allah in diábí kon dodai in onda in momelung kon koadilan; diábí kon dodai in onda in diá mokoposindog kon inta mobanar.

MAZMUR 145:17

Ki Tuhan in moadil kon bayongan onu in oaidan-Nea bo nopuḻing in tabi kon bayongan in aid-Nea.

MAZMUR 92:15

pangkoi in kayu inta tantúpa nomungai umpaka nogurangdon, umuran noḷunow bo notompia.

AMSAL 15:32

Intau inta doí tongginaan, diábí mohoromat kon awaknea tontaní; intau inta moibog toboḷowon, mobaḻí mopia.

AMSAL 6:32

Táe naonda degá in intau ḷoḷaki inta nonuaḻing? Sia in nomoguyaatbí kon awaknea tontaní! Totuu mobodok in sia!

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

ZEPANYA 3:5

Táe ki Tuhan in oyúonpabí in kon kotá tatua; Sia in umuranbí mopobayá in onu inta mobanar bo diábí kon dodai in onda in inta moitaḷá. Pomuḷoi in doḷo-doḷom notantúbí kon Sia in mobogoi in inta moadil kon umat-Nea. Táe, intau inta diá nonotaau in inta moadil kon kotá tatua in umuranbí mogaid kon inta moraat bo diábí in oya-oyá mako.

SURAT I PAULUS KON JAMAAT RUM 9:14

Aka natua yo onu in singogon naton? Diá moadil degá in ki Allah? Ki Allah in moadilbí!

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

YAKOBUS 1:13

Bo aka tobatú intau kinotungkulan, yo dikabí in sia mosingog nanaa, “Godaan tanaa nongkon i Allahbí,” sin ki Allah in diábí kogodaan in inta moraat, bo diábí doman in Sia mosoba kon tobatúmai intau.