AYUB 3:8 - Alkitab Singog In Mongondow Masa In Tanaa

⁸ Ei intau mita inta mongongundam bo inta monompia kon Lewiatan, dantugaidon in singgai tua pongin ibot bo kutukan;

AYUB 3:8 Iomraidhean Croise

TAWARIKH 2 35:25

Ki Nabi Yeremia in nomia kon dondong amui tobatú kon i Datu Yosia. Nodapot in tanaa dondong tatua in pinaké kon Israel in intau mita mododondong, pinomayá ḷoḷaki andeka bobay, kon pinonogumatoian kon i Yosia. Dondong tatua in pinotuotdon kon bonu in pinosipunan kon dondong mita in amui.

AYUB 3:7

Biódon mako in doḷom tua in mopungitdon totok diá in popiaan, diá in ḷunganga in gina.

AYUB 3:9

dika modapot in tundi pariama monindar, dika pomayá mako in sindar doḷo-doḷom monindar! Biódon mako in doḷom tua diá in mangaḻe in pogoḷatan kon koangoian in singgai bo kamang inta mobagu.

AYUB 41:1

Mokodomok degá in iko kon i bangkeḻé Lewiatan, tongá momaké in kail in toyá? Kotokiganmu degá in dilánea tongá mopomaké in tontogot mita potogot?

AYUB 41:10

Rumogi in sia aka guḷungon kon siugnea; diábí tobatúmai intau in mokobaḻí simindog kon tayowonnea.

AYUB 41:25

Aka simindog in sia, intau inta totok in moropot in koinggamáan doman in baraninea, kinodaitan in daya popisí in moondok totok.

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

AMOS 5:16

Ki Tuhan Inta Totok in Mokawasa in noguman, “Kon daḷan mita in kotá intau in moguang bo mogamui popisí in morobonoḷ in gina. Nodapot in monononggobá mita in tokooiníon sin tumakin mongombaḷ moyotakin in intau mita inta sinokouboḻian moguang kon intau minatoi.

MATIUS 11:17

‘Podondongan nami in moiko in dondong mokopia kon gina, táe doíbí in moiko motayok, podondongan nami in dondong mokopongoibu, táe doíbí in moiko mongombaḷ.’

MARKUS 5:38

Naonda in mosia noiyaputdon kon baḷoi i Yairus, bo inontongnea in intau mita modowawá mako bo dinongog-Nea doman in ombaḷ bo amui inta moropot.